അബുദാബിയിലെ ഷെയ്ഖ് സായിദ് ബിൻ സുൽത്താൻ റോഡ് ( E10 ) വെള്ളിയാഴ്ച രാത്രി മുതൽ അടച്ചിടും. രാത്രി 11 മണി മുതൽ തിങ്കളാഴ്ച പുലർച്ചെ 5 മണി വരെയാണ് റോഡ് ഭാഗികമായി അടച്ചിടുക. ഇന്റഗ്രേറ്റഡ് ട്രാൻസ്പോർട്ട് സെന്റർ ആണ് ഇക്കാര്യം അറിയിച്ചത്.
ദുബായിലേക്കുള്ള ദിശയിൽ രണ്ട് ഇടത് പാതകളായിരിക്കും അടച്ചിടുക. അതേസമയം റോഡ് അടച്ചിടുന്നതോടെ ഡ്രൈവർമാർ ജാഗ്രതയോടെ വാഹനമോടിക്കാനും ട്രാഫിക് നിയമങ്ങളും ചട്ടങ്ങളും പാലിക്കണമെന്നും അതോറിറ്റി അഭ്യർത്ഥിച്ചു.
