തിരുവനന്തപുരത്ത് സംസ്ഥാന ഓണം വാരാഘോഷത്തിന്റെ സ്വാഗതസംഘം ഓഫീസ് ഇന്ന് ഉദ്ഘാടനം ചെയ്തു . മന്ത്രിമാരായ വി ശിവൻകുട്ടിയും പി എ മുഹമ്മദ് റിയാസും ചേർന്നായിരുന്നു ഉദ്ഘാടനം നിർവഹിച്ചത്.
ഉദ്ഘാടനവേളയിലെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറൽ ആയിരിക്കുകയാണ്. പൂക്കളാൽ അലങ്കരിച്ച ഊഞ്ഞാലിൽ ഇരിക്കുന്ന വിദ്യാഭ്യാസ മന്ത്രി വി ശിവൻകുട്ടിയെ ഊഞ്ഞാലാട്ടുകയാണ് മന്ത്രി മുഹമ്മദ് റിയാസ്. മന്ത്രി വി ശിവൻകുട്ടി തന്നെയാണ് വിഡിയോ ഫെയ്സ്ബുക്കിലൂടെ പങ്കുവച്ചത്. ‘യുവശക്തിയുടെ കരങ്ങളിൽ’ എന്ന തലക്കെട്ടോടെയാണ് മന്ത്രി വിഡിയോ പങ്കുവെച്ചിരിക്കുന്നത്.
മന്ത്രി മുഹമ്മദ് റിയാസിനെയും മന്ത്രി ശിവൻകുട്ടി ഊഞ്ഞാലാട്ടുന്ന വിഡിയോയും ഉണ്ട്‌. ‘വിദ്യാഭ്യാസ മന്ത്രിയുടെ കരങ്ങൾ
ശുദ്ധവും ശക്തവു’മെന്ന് മന്ത്രി മുഹമ്മദ് റിയാസ്. ടൂറിസം ഡയറക്ടർ പി ബി നൂഹ് ഐഎഎസ് സമീപത്തു നിന്ന് ചിരിക്കുന്നതും വിഡിയോയിൽ കാണാം. ഓണാഘോഷങ്ങൾക്ക് തുടക്കമായി എന്നാണ് വിഡിയോയ്ക്ക് വരുന്ന പ്രതികരണം.
