ഒമാനും സൗദിയും തമ്മിലുള്ള ചരിത്രപരമായ ബന്ധത്തിന് ആദരസൂചകമായി സംയുക്ത തപാൽ സ്റ്റാമ്പ് പുറത്തിറക്കി ഒമാൻ പോസ്റ്റ്. സൗദി അറേബ്യയുമായി ചേർന്നാണ് പ്രത്യേക സംയുക്ത സ്മരണിക തപാൽ സ്റ്റാമ്പ് പുറത്തിറക്കിയിരിക്കുന്നത് എന്ന് ഒമാൻ പോസ്റ്റ് അറിയിച്ചു.
ഈ സഹകരണ സംരംഭം ഒമാനും സൗദി അറേബ്യയും തമ്മിലുള്ള ആഴമേറിയ ചരിത്ര ബന്ധങ്ങളുടെയും ഉറച്ച സാഹോദര്യ ബന്ധത്തിന്റെയും തെളിവാണ് എന്നും ഒമാൻ പോസ്റ്റ് വ്യക്തമാക്കി. ഇരു രാജ്യങ്ങളും തമ്മിലുള്ള സൗഹൃദവും പരസ്പര ബഹുമാനവും പ്രതിഫലിപ്പിക്കുന്നതാണ് ഈ സ്റ്റാമ്പുകളെന്നും അധികൃതർ അറിയിച്ചു.
