ഒരു വർഷം 3,000 രോഗികളായ കുട്ടികളെ ചികിത്സിക്കുന്നതിന് ദുബായിൽ 50 മില്യൺ ദിർഹത്തിന്റെ ചാരിറ്റി സംരംഭം പ്രഖ്യാപിച്ചു. അൽ ജലീല ചിൽഡ്രൻസ് ഹോസ്പിറ്റൽ ഫൗണ്ടേഷൻ ആണ് ഓരോ വർഷവും 3,000 കുട്ടികൾക്ക് വൈദ്യചികിത്സ നൽകുന്ന ഫണ്ട് ആരംഭിച്ചത്.
അൽ ജലീല ഫൗണ്ടേഷൻ ആരംഭിച്ച ‘ചൈൽഡ് ഫണ്ട്’ ആളുകളുടെ ജീവിതത്തെ മാറ്റിമറിക്കുന്ന ചാരിറ്റിയുടെ നീണ്ട ചരിത്രത്തിൽ പുതിയ അധ്യായം എഴുതി ചേർക്കും. നിർദ്ധനരായ യുവാക്കൾക്ക് ജീവിതത്തിൽ രണ്ടാമത്തെ അവസരം നൽകുകയും ചെയ്യും. ക്യാൻസർ, വിട്ടുമാറാത്ത രോഗങ്ങൾ, ഹൃദയ സംബന്ധമായ അസുഖങ്ങൾ എന്നിവയുൾപ്പെടെ ജീവൻ അപകടപ്പെടുത്തുന്ന അവസ്ഥകളാൽ ബുദ്ധിമുട്ടുന്ന 8,600-ലധികം രോഗികളുടെ വൈദ്യചികിത്സയ്ക്ക് ഫൗണ്ടേഷൻ ഇതുവരെ പിന്തുണ നൽകിയിട്ടുണ്ട്. ഇതിൽ 30 ശതമാനം ഗുണഭോക്താക്കളും കുട്ടികളാണ്.
സഹായം ആവശ്യമുള്ള കുട്ടികൾക്ക് അത്യാവശ്യവും ജീവൻ രക്ഷിക്കുന്നതുമായ വൈദ്യസഹായം നൽകുന്നതിന് ചൈൽഡ് ഫണ്ട് പ്രവർത്തിക്കും. ഇതിന് ഫണ്ട് സ്വരൂപിക്കുന്നതിനായി രൂപകൽപ്പന ചെയ്ത ഒരു സമർപ്പിത കുട്ടികളുടെ ചാരിറ്റി പ്രോഗ്രാമായിരിക്കും ചൈൽഡ് ഫണ്ട് എന്ന് അൽ ജലീല ഫൗണ്ടേഷൻ ഡയറക്ട‌ർ ബോർഡ് ചെയർപേഴ്സണും ദുബായ് ഹെൽത്ത് ബോർഡ് അംഗവുമായ ഡോ.രാജ അൽ ഗുർഗ് പറഞ്ഞു.
