ഒമാൻ ദേശീയ ദിനാഘോഷം, അം​ഗീ​കാ​ര​മി​ല്ലാ​ത്ത ഉ​ൽ​പ​ന്ന​ങ്ങ​ൾ വി​ൽ​പ​ന ന​ട​ത്തിയാൽ ശക്തമായ നടപടി 

ഒ​മാ​ൻ ദേ​ശീ​യ ദി​നാ​ഘോ​ഷ​ത്തി​ന്റെ ഭാഗമായി വില്പനയ്ക്കുള്ള ഉ​ൽ​പ​ന്ന​ങ്ങ​ൾ വി​പ​ണി​യി​ലെ​ത്തി. ചെ​റു​കി​ട സ്ഥാ​പ​ന​ങ്ങ​ളി​ൽ ഉ​ൽ​പ​ന്ന​ങ്ങ​ൾ എ​ത്തി​യ​തോ​ടെ ദേ​ശീ​യ​ദി​ന ഉ​ൽ​പ​ന്ന​ങ്ങ​ളു​ടെ വി​പ​ണി മെ​ല്ലെ ച​ലി​ക്കാ​ൻ തു​ട​ങ്ങിയെന്നാണ് റിപ്പോർട്ട്. എ​ന്നാ​ൽ പാ​ല​സ്തീ​ൻ പ്ര​ശ്നം വി​പ​ണി​യെ ബാ​ധി​ക്കു​മോ എ​ന്ന് ആ​ശ​ങ്കി​ക്കു​ന്ന​ നിരവധി പേരുണ്ട്.

ഇതിനിടെ അം​ഗീ​കാ​ര​മി​ല്ലാ​ത്ത ഉ​ൽ​പ​ന്ന​ങ്ങ​ൾ വി​ൽ​ന ന​ട​ത്തു​ന്ന​തി​നെ​തി​രെ ശ​ക്ത​മാ​യ ന​ട​പ​ടി​ സ്വീകരിക്കുമെന്ന് അധികൃതർ അറിയിച്ചു. മാത്രമല്ല, അം​ഗീ​കാ​ര​മി​ല്ലാ​ത്ത ഉ​ൽ​പ​ന്ന​ങ്ങ​ൾ വി​ൽ​പ​ന ന​ട​ത്തു​ന്നി​ല്ലെ​ന്ന് ഉ​റ​പ്പു​ വ​രു​ത്തുന്നതിന് അ​ധി​കൃ​ത​ർ വ്യാ​പാ​ര സ്ഥാ​പ​ന​ങ്ങ​ളി​ൽ പ​രി​ശോ​ധ​ന​യും ആ​രം​ഭി​ച്ചു കഴിഞ്ഞു. അതേസമയം അ​ധി​കൃ​ത​രു​ടെ അ​നു​മ​തി​യോ​ടെ ഉ​ണ്ടാ​ക്കി​യ​തോ ഇ​റ​ക്കു​മ​തി ചെ​യ്​​ത​തോ ആ​യ രാ​ജ​കീ​യ എം​ബ്ലം, ഒ​മാ​ന്‍റെ മാ​പ്പ്, കൊ​ടി തു​ട​ങ്ങി​യ ഉ​ൽ​പ​ന്ന​ങ്ങ​ൾ മാ​ത്ര​മേ വി​ൽ​പ​ന ന​ട​ത്താ​ൻ പാ​ടു​ള്ളൂ. അ​ല്ലാ​ത്ത​വ വി​ൽ​ക്കു​ന്ന സ്ഥാ​പ​ന​ങ്ങ​ൾ​ക്കെ​തി​രെയും നി​യ​മ​ന​ട​പ​ടി സ്വീ​ക​രി​ക്കും.

എന്നാൽ ഉ​ൽ​പ​ന്ന​ങ്ങ​ളി​ലോ പ​ര​സ്യ​ങ്ങ​ളി​ലോ രാ​ജ​കീ​യ ചി​ഹ്​​നം ഉ​പ​യോ​ഗി​ക്കാ​ൻ ആ​ഗ്ര​ഹി​ക്കു​ന്ന​വ​ർ വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​ത്തി​ൽ നേരത്തേ തന്നെ അ​പേ​ക്ഷ​ക​ൾ സ​മ​ർ​പ്പി​ക്ക​ണം. ഉ​ൽ​പ​ന്ന​ങ്ങ​ളു​ടെ ഫോ​ട്ടോ അ​ട​ക്ക​മു​ള്ള വി​വ​ര​ങ്ങ​ൾ അ​പേ​ക്ഷ​ക്കൊ​പ്പം ന​ൽ​കുകയും വേണം. പ​രി​ശോ​ധ​ന​ക​ൾ​ക്ക് ശേ​ഷം അ​ധി​കൃ​ത​ർ അം​ഗീ​കാ​രം ന​ൽ​കു​ന്ന ഉ​ൽ​പ​ന്ന​ങ്ങ​ൾ മാ​ത്ര​മേ വിപ​ണി​യി​ൽ ഇ​റ​ക്കാ​ൻ അ​നു​വ​ദി​ക്കു​കയുള്ളൂ. മാത്രമല്ല അം​ഗീ​കാ​രം ല​ഭി​ക്കു​ന്ന ഉ​ൽ​പ​ന്ന​ങ്ങ​ൾ​ക്ക് പ്ര​ത്യേ​ക കോ​ഡ് ന​മ്പ​റും ല​ഭി​ക്കും. അ​ധി​കൃ​ത​ർ സ്ഥാ​പ​ന​ങ്ങ​ളി​ൽ പ​രി​ശോ​ധ​ന​ക്കെ​ത്തു​മ്പോ​ൾ ഈ ​കോ​ഡ് ന​മ്പ​റു​ക​ൾ കാ​ണി​ച്ച് കൊ​ടു​ക്കേണ്ടത് നിർബന്ധമാണ്.