യുഎഇയിലെ ബ്യൂട്ടി, ഹെല്‍ത്ത്, ഫിറ്റ്‌നസ് ശൃംഖലയായ റൂബി ഗ്രൂപ്പിന്റെ റൂബി ഫിറ്റ്‌നസ് സെന്റര്‍ അല്‍ ഐനില്‍ പ്രവര്‍ത്തനമാരംഭിച്ചു. ബറാറി മാളില്‍ ആരംഭിച്ച ഔട്ട്ലെറ്റ് അമേരിക്കന്‍ പ്രൊഫഷണല്‍ ബോഡി ബില്‍ഡറും ഫിറ്റ്‌നസ് – ചലച്ചിത്ര താരവുമായ സെര്‍ഗിയോ ഒലീവിയ ജൂനിയര്‍ ഉദ്ഘാടനം ചെയ്തു. റൂബി ഗ്രൂപ്പ് ചെയര്‍മാന്‍ ബാലന്‍ വിജയന്‍, രമ വിജയന്‍, സിഇഒമാരായ ഹാമിദലി, അനീഷ് എസ്, ഷിബു, അബ്ദുൽ ലത്തീഫ്, അബ്ദുൽ ഖാദർ, ഹരിപ്രസാദ് തുടങ്ങിയവര്‍ ചടങ്ങില്‍ പങ്കെടുത്തു.
റൂബി ഗ്രൂപ്പിന് കീഴിലുള്ള പ്രീമിയം ഔട്ട്ലെറ്റാണ് റൂബി ഫിറ്റ്‌നസ് സെന്റര്‍. സ്ത്രീകള്‍ക്കും പുരുഷന്മാര്‍ക്കും കുട്ടികള്‍ക്കുമായി പ്രത്യേകം സലൂണുകള്‍, മൊറോക്കന്‍ ബാത്ത്, ഹെയര്‍ ഫിക്‌സിംഗ്, ആയുര്‍വേദ കേന്ദ്രം, സ്പാ ആന്റ് മസാജ് സെന്റര്‍, കോസ്‌മെറ്റിക്‌സ് കോര്‍ണര്‍ തുടങ്ങിയവയെല്ലാം ഇവിടെ ഒരുക്കിയിട്ടുണ്ട്. റൂബി ഗ്രൂപ്പിന്റെ 40-ാം വാര്‍ഷികാഘോഷത്തിന്റെ ഭാഗമായി സെര്‍ഗിയോയുടെ ബോഡി ബില്‍ഡിംഗ് ഷോയും സംഘടിപ്പിച്ചു.
