ബംഗളൂരുവിലേക്ക് തിരുവനന്തപുരത്തു നിന്ന് സ്‌പൈസ് ജെറ്റ് കൂടുതൽ സർവീസുകൾ ആരംഭിക്കുന്നു. ഒക്ടോബർ 10 മുതൽ ആഴ്ചയിൽ 2 സർവീസുകളാണ് പുതുതായി തുടങ്ങുന്നത്.
നിലവിൽ സ്‌പൈസ് ജെറ്റിന് തിരുവനന്തപുരം-ബംഗളൂരു റൂട്ടിൽ ശനിയാഴ്ചകളിൽ മാത്രമാണ് സർവീസ് ആണുള്ളത്. ചൊവ്വ, വ്യാഴം ദിവസങ്ങളിലാണ് പുതിയ സർവീസുകൾ. രാവിലെ 05:50ന് ബംഗളൂരുവിൽ നിന്ന് പുറപ്പെട്ട് 07:25ന് തിരുവനന്തപുരത്ത് എത്തും.
തിരികെ 08:05ന് പുറപ്പെട്ട് 09:40ന് ബംഗളൂരുവിലെത്തും. ശനിയാഴ്ചകളിൽ രാത്രി 10:15ന് തിരുവനന്തപുരത്തെത്തി 10:35ന് തിരിച്ചുപോകും. ഈ റൂട്ടിൽ ഇൻഡിഗോ എയർലൈൻസ് ദിവസേന 4 സർവീസുകൾ നടത്തുന്നുണ്ട്.
