എയർ ഇന്ത്യയുടെ കൊച്ചി- ദോഹ പ്രതിദിന സർവീസ് ഒക്ടോബർ 23 മുതൽ ആരംഭിക്കുന്നു. കൊച്ചിയിൽ നിന്ന് 1.30നു പുറപ്പെടുന്ന എഐ 953 വിമാനം 3.45നു ദോഹയിൽ എത്തുന്ന രീതിയിലാണ് സജ്ജീകരിച്ചിരിക്കുന്നത്. തിരിച്ചുള്ള യാത്രാ വിമാനമായ എഐ 954 ദോഹയിൽ നിന്നു പ്രാദേശിക സമയം 4.45നു പുറപ്പെട്ട് കൊച്ചിയിൽ 11.35ന് എത്തും.
അതേസമയം എ 320 നിയോ എയർക്രാഫ്റ്റ് യാത്രാ വിമാനത്തിൽ 162 സീറ്റുകളാണ് ഉള്ളത്. ഇക്കണോമിയിൽ 150 സീറ്റും ബിസിനസ് ക്ലാസിൽ 12 സീറ്റുമുണ്ട്. നിലവിൽ കൊച്ചിയിൽ നിന്ന് ദുബായിലേക്ക് എല്ലാ ദിവസവും നേരിട്ട് എയർ ഇന്ത്യ സർവീസ് നടത്തുന്നുണ്ട്.
