ഈ വർഷത്തെ ഓണം ആഘോഷമാക്കി മലയാളത്തിന്റെ സൂപ്പർ താരങ്ങൾ. തന്റെ പുതിയ ചിത്രത്തിന്റെ ലൊക്കഷനില്‍ ഓണസദ്യ വിളമ്പിയാണ് മമ്മൂട്ടി ഓണം ആഘോഷിച്ചത്. ഭ്രമയുഗം ചിത്രത്തിന്റെ അണിയറ പ്രവര്‍ത്തകര്‍ക്കൊപ്പമിരുന്ന് മമ്മൂട്ടിയും ഓണസദ്യ കഴിച്ചു. റെഡ് റെയിന്‍, ഭൂതകാലം എന്നീ ചിത്രങ്ങളിലൂടെ ശ്രദ്ധ നേടിയ രാഹുല്‍ സദാശിവനാണ് ഭ്രമയുഗത്തിന്റെ സംവിധായകാൻ. ചിത്രത്തിൽ മമ്മൂട്ടി നാഗങ്ങള്‍ക്കൊപ്പം ജീവിക്കുന്ന ഒരു ദുര്‍മന്ത്രവാദിയുടേത് ആണ് എന്നാണ് റിപ്പോര്‍ട്ടുകള്‍.
ടി ഡി രാമകൃഷ്ണനാണ് ചിത്രത്തിന്റെ സംഭാഷണം ഒരുക്കുന്നത്. നൈറ്റ് ഷിഫ്റ്റ് സ്റ്റുഡിയോസ് എല്‍എല്‍പി,വൈ നോട്ട് സ്റ്റുഡിയോസ് എന്നീ ബാനറുകളില്‍ ചക്രവര്‍ത്തി രാമചന്ദ്ര, എസ് ശശികാന്ത് എന്നിവര്‍ ചേര്‍ന്നാണ് ചിത്രം നിർമ്മിക്കുന്നത്. സിദ്ധാര്‍ഥ് ഭരതന്‍, അര്‍ജുന്‍ അശോകന്‍, അമാല്‍ഡ ലിസ്, തുടങ്ങിയവരാണ് ചിത്രത്തിലെ മറ്റ് അഭിനേതാക്കള്‍. കൊച്ചിയും ഒറ്റപ്പാലവുമാണ് പ്രധാന ലൊക്കേഷൻ.
അതേസമയം എല്ലാ മലയാളികള്‍ക്കും ഓണശംസകള്‍ നേര്‍ന്ന് പ്രത്യേക വിഡിയോ പോസ്റ്റ് ചെയ്താണ് മോഹന്‍ലാല്‍ തന്റെ ഓണാശംസകൾ അറിയിച്ചത്. കൂടാതെ തിരുവോണ നാളില്‍ മലയാള ചലച്ചിത്ര രംഗത്തെ മറ്റ് താരങ്ങളും ഓണാശംസകളുമായി എത്തിയിരുന്നു.
