റാസൽഖൈമയിലെ പൊലീസ് വാഹനങ്ങളുടെ മുഖം മാറുന്നു. വാഹനങ്ങളുടെ പഴയ നിറം മാറ്റി പുതിയ വർണ്ണത്തിലാണ് ജനങ്ങൾക്ക് മുമ്പിൽ അവതരിപ്പിച്ചത്. റാസൽഖൈമ മനാർ മാളിൽ നടന്ന ചടങ്ങിൽ റാക് പൊലീസ് മേധാവി അലി അബ്ദുല്ല അൽവാൻ അൽ നുഐമി പുതുവർണത്തിലുള്ള പൊലീസ് വാഹനങ്ങൾ നാടിന് സമർപ്പിച്ചത്.
ഓറഞ്ചും വെള്ളയും ഇടകലർന്ന രീതിയിലാണ് പട്രോൾ വാഹനങ്ങൾ രൂപകല്പന ചെയ്തിരിക്കുന്നത്. നിറത്തിൽ മാത്രമല്ല സേവനങ്ങളുടെ വേഗതയും കൃത്യതയും പുതിയ പട്രോൾ വാഹനങ്ങളുടെ പ്രത്യേകതയാണ്. എല്ലാ പൊലീസ് വാഹനങ്ങളിലും അത്യാധുനിക സ്മാർട്ട് സംവിധാനവും സജ്ജമാക്കിയിട്ടുണ്ട്. സേവനങ്ങൾ കൂടുതൽ മികച്ചതാക്കാൻ ഇത് പൊലീസ് സേനയെ സഹായിക്കുമെന്നും അധികൃതർ വ്യക്തമാക്കി.
