കർണാടകയുടെ 2023-24 സാമ്പത്തിക വർഷത്തേക്കുള്ള ബജറ്റ് മുഖ്യമന്ത്രി സിദ്ധരാമയ്യ അവതരിപ്പിച്ചു. കോൺഗ്രസിന്റെ കർണാടകയിലെ തെരഞ്ഞെടുപ്പ് വാഗ്ദാനങ്ങൾ നടപ്പിലാക്കുന്നതിന് ബജറ്റ് വലിയ പ്രാധാന്യം നൽകുന്നുണ്ട്. പ്രസംഗത്തിൽ ഇന്ത്യൻ നിർമ്മിത വിദേശമദ്യത്തിന്റെ നികുതി 20 ശതമാനം ഉയർത്തുകയാണെന്ന് സിദ്ധരാമയ്യ അറിയിച്ചു.
അതേസമയം കോൺഗ്രസിന്റെ അഞ്ച് തെരഞ്ഞെടുപ്പ് വാഗ്ദാനങ്ങൾ നടപ്പിലാക്കുന്നതിന് 52,000 കോടിയാണ് ഓരോ വർഷവും സർക്കാർ ചെലവഴിക്കുക. കർണാടകയിൽ കോൺഗ്രസിന്റെ തെരഞ്ഞെടുപ്പ് വിജയത്തിന് കാരണം അവരുടെ പ്രകടന പത്രികയിലെ വാഗ്ദാനങ്ങളായിരുന്നു. അതുകൊണ് തന്നെ അത് നിറവേറ്റാനുള്ള ശ്രമത്തിനാണ് ബജറ്റ് പ്രാധാന്യം നൽകുന്നത്.
കർണാടകയിലെ ക്രമസമാധാനം നിലനിർത്താൻ സർക്കാർ എപ്പോഴും പ്രതികജ്ഞബദ്ധരാണ്. അതുകൊണ്ട് തന്നെ സദാചാര പൊലീസിങ്ങും വർഗീയ വൽക്കരണവും അനുവദിക്കില്ലെന്ന് അദ്ദേഹം പറഞ്ഞു. അതേസമയം 14ാമത്തെ തവണ ബജറ്റ് സഭയിൽ അവതരിപ്പിച്ച് ഏറ്റവും കൂടുതൽ ബജറ്റവതരിപ്പിച്ച ആളെന്ന റെക്കോർഡും സിദ്ധരാമയ്യ സ്വന്തമാക്കി.
