കാലാവധി കഴിഞ്ഞ ബിസിനസ് ലൈസൻസ് യാഥാസമയം പുതുക്കുന്നവർക്ക് ഷാർജ പിഴയിൽ 50% ഇളവ് പ്രഖ്യാപിച്ചു. ജൂലൈ 10 മുതൽ 4 മാസത്തിനകം ലൈസൻസ് പുതുക്കുന്നവർക്കാണ് ആനുകൂല്യം ലഭിക്കുക. ഷാർജ ഉപഭരണാധികാരിയും എക്സിക്യൂട്ടീവ് കൗൺസിൽ ഡെപ്യൂട്ടി ചെയർമാനുമായ ഷെയ്ഖ് അബ്ദുല്ല ബിൻ സാലിം ബിൻ സുൽത്താൻ അൽ ഖാസിമിയുടെ അധ്യക്ഷതയിൽ ചേർന്ന യോഗത്തിലാണ് തീരുമാനം.
സംരംഭകരുടെ സാമ്പത്തിക പ്രതിസന്ധി പരിഹരിക്കുന്നതിനും വിപണി വളർച്ച ത്വരിതപ്പെടുത്തുന്നതിനും സാമ്പത്തിക രംഗം ശക്തിപ്പെടുത്തുന്നതിനും ഇതുവഴി സാധിക്കുമെന്നാണ് ഷാർജ പ്രതീക്ഷിക്കുന്നത്. അതിന്റെ ഭാഗമായാണ് 50% പിഴയിളവും ഏർപ്പെടുത്തിയിരിക്കുന്നത്.
