ഒക്ടോബർ- നവംബർ മാസത്തിൽ ഇന്ത്യയില്‍ നടക്കുന്ന ഏകദിന ലോകകപ്പില്‍ വിന്‍ഡീസ് കളിക്കില്ല.യോഗ്യതാ പോരാട്ടത്തില്‍ സ്‌കോട്‌ലന്‍ഡിനോട് നാണംകെട്ട തോല്‍വി ഏറ്റുവാങ്ങിയതോടെ വിൻഡീസ് പുറത്തായി. ലോകത്തിലെ ക്രിക്കറ്റ് ആരാധകരെ ആകെ നിരാശയിലാഴ്ത്തിയാണ് മുന്‍ ചാമ്പ്യന്‍മാർ കൂടിയായ വെസ്റ്റ് ഇന്‍ഡീസിൻ്റെ വീഴ്ച.
1970 മുതൽ 1990കളുടെ തുടക്കം വരെ ലോക ക്രിക്കറ്റിലെ കരുത്തരായിരുന്നു വെസ്റ്റ് ഇൻഡീസ്. 1975ലും 1979ലും വിൻഡീസ് ലോകകപ്പ് ഉയര്‍ത്തി1983ൽ കപിലിൻ്റെ നേതൃത്വത്തിലുളള ഇന്ത്യയോട് അടിയറവ് പറഞ്ഞെങ്കിലും തുടര്‍ച്ചയായ മൂന്ന് ലോകകപ്പ് ഫൈനലുകള്‍ എന് ചരിത്രം രേഖപ്പെടുത്താൻ കഴിഞ്ഞിരുന്നു.
ഒരുകാലത്ത് തീപാറുന്ന പേസര്‍മാരുയേയും ലോകോത്തര ബാറ്റര്‍മാരുടേയും നീണ്ട നിരയുമായി ടെസ്റ്റിലും ഏകദിനത്തിലും ഒരുപോലെ അപകടകാരികളായ ടീമായിരുന്നു വെസ്റ്റ് ഇൻഡീസ്. ബ്രയാന്‍ ലാറ അടക്കമുള്ള ഇതിഹാസങ്ങള്‍ക്ക് ജൻമം നൽകിയ വിൻഡീസ് ട്വന്‍റി 20 ക്രിക്കറ്റിലും ഉഗ്രപ്രതാപിയായിരുന്നു.
