ഒഡിഷ ട്രെയിൻ അപകടത്തിൽപെട്ടവരെ സഹായിക്കാൻ ആരാധകരോട് അഭ്യർത്ഥിച്ച് തെലുങ്ക് നടൻ ചിരഞ്ജീവി. അപകടമേഖലയുടെ പരിസരത്തുള്ള ആരാധകർ ആവശ്യമുള്ളവർക്ക് രക്തം എത്രയും പെട്ടന്ന് എത്തിക്കണമെന്ന് ആരാധകരോട് ചിരഞ്ജീവി ആവശ്യപ്പെട്ടു.
ഒഡിഷയിലെ ദാരുണമായ അപകടത്തിലും ആളുകളുടെ മരണത്തിലും ഞെട്ടി പോയെന്ന് ചിരഞ്ജീവി ട്വീറ്റ് ചെയ്തു. ജീവൻ രക്ഷിക്കാൻ രക്ത യൂണിറ്റുകളുടെ അടിയന്തിര സഹായം ആവശ്യമുണ്ടെന്ന് മനസിലാക്കുന്നു. അതുകൊണ്ട് സംഭവ സ്ഥലത്തും പരിസര പ്രദേശങ്ങളിലുമായി താമസിക്കുന്നവർ രക്തം ദാനം ചെയ്യുന്നതിന് സാധ്യമായ എല്ലാ സഹായവും നൽകാൻ അഭ്യർത്ഥിക്കുകയാണെന്നാണ് അദ്ദേഹം ട്വീറ്റ് ചെയ്തത്. നിരവധി സിനിമാ താരങ്ങൾ അപകടത്തിൽ മരണപെട്ടവരുടെ കുടുംബാങ്ങൾക്ക് അനുശോചനവുമായി രംഗത്ത് വന്നിരുന്നു. 288 പേരാണ് അപകടത്തിൽ മരണപ്പെട്ടത്.
