ദുബായ് കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ ഇൻസ്റ്റാഗ്രാം വഴി നിവാസികളോട് നടത്തിയ വ്യത്യസ്തമായ അഭ്യർത്ഥന വൈറലായി. മൂന്ന് നായകൾക്കുള്ള പേര് നിർദ്ദേശിക്കാനാണ് ഇൻസ്റ്റാഗ്രാമിലൂടെ ശൈഖ് ഹംദാൻ അഭ്യർത്ഥിച്ചത്. ഒരു പെൺ നായയും രണ്ട് ആൺ നായകൾക്കും ഇടാനുള്ള പേരുകളാണ് ശൈഖ് ഹംദാൻ സ്റ്റോറിയിലൂടെ ആവശ്യപ്പെട്ടത്.
ആവേശഭരിതരായ നായ്ക്കളെ കാണിച്ചുകൊണ്ട് ഒരു വീഡിയോയും അദ്ദേഹം ഇൻസ്റ്റാഗ്രാം സ്റ്റോറിയിൽ പങ്ക് വച്ചിരുന്നു. മൂന്ന് പേരുകൾ വേണം. ഒരു ആണിനും രണ്ട് പെണ്ണിനും എന്നാണ് അദ്ദേഹം വീഡിയോയ്ക്ക് താഴെ കുറിച്ചത്. വീഡിയോ അപ്‌ലോഡ് ചെയ്‌ത് നാല് മണിക്കൂറിന് ശേഷം എല്ലാവരുടെയും നിർദ്ദേശങ്ങൾക്ക് കിരീടാവകാശി നന്ദി പറയുകയും നായ്ക്കളുടെ പേരുകൾ പ്രഖ്യാപിക്കുകയും ചെയ്തു.
ആൺ നായയ്ക്ക് അദ്ദേഹം ലേൽ എന്നാണ് പേരിട്ടിരിക്കുന്നത്. മിസൂൺ, നഹർ എന്നിങ്ങനെയാണ് പെൺ നായ്ക്കൾക്ക് നൽകിയ പേരുകൾ. കൂടാതെ പ്രതികരണങ്ങൾ സ്വീകരിക്കുകയും പരിഗണിക്കുകയും ചെയ്തുവെന്ന് സൂചിപ്പിച്ചുകൊണ്ട് ഷെയ്ഖ് ഹംദാൻ എല്ലാവർക്കും നന്ദിയും പറഞ്ഞു.
