ഒ​മാ​നും ഫ്രാ​ൻ​സും ഉ​ഭ​യ​ക​ക്ഷി സ​ഹ​ക​ര​ണം വിപുലപ്പെടുത്താൻ ഒരുങ്ങുന്നു 

ഒ​മാ​ൻ-​ഫ്രാ​ൻ​സ്​ വി​ദേ​ശ​കാ​ര്യ മ​ന്ത്രാ​ല​യ​ങ്ങ​ൾ ത​മ്മി​ൽ സഹകരണം വിപുലപ്പെടുത്തുന്നതുമായി ബന്ധപ്പെട്ട് ചർച്ച ന​ട​ത്തി. ഫ്രാ​ൻ​സി​ന്‍റെ ത​ല​സ്ഥാ​ന​മാ​യ പാ​രി​സി​ലെ ഫ്ര​ഞ്ച് വി​ദേ​ശ​കാ​ര്യ മ​ന്ത്രാ​ല​യ​ത്തി​ൽ വച്ചായിരുന്നു ച​ർ​ച്ച. ര​ണ്ട് സു​ഹൃ​ദ് രാ​ജ്യ​ങ്ങ​ൾ ത​മ്മി​ലു​ള്ള ബ​ന്ധം, ഉ​ഭ​യ​ക​ക്ഷി സ​ഹ​ക​ര​ണം വി​ക​സി​പ്പി​ക്കു​ന്ന​തി​നു​ള്ള വ​ഴി​ക​ൾ, സാ​മ്പ​ത്തി​ക-നി​ക്ഷേ​പ പ​ങ്കാ​ളി​ത്തം, വി​ശാ​ല​വും കൂ​ടു​ത​ൽ സ​മ​ഗ്ര​വു​മാ​യ ത​ല​ത്തി​ലേ​ക്ക്​ സാം​സ്കാ​രി​ക​വും ശാ​സ്ത്രീ​യ​വു​മാ​യ വി​നി​മ​യം പ്രോ​ത്സാ​ഹി​പ്പി​ക്കു​ക എ​ന്നി​വ​യായിരുന്നു ച​ർ​ച്ച​യുടെ ലക്ഷ്യങ്ങൾ.

ഒ​മാ​ൻ പക്ഷത്തെ ന​യ​ത​ന്ത്ര​കാ​ര്യ വി​ദേ​ശ​കാ​ര്യ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ​ശൈ​ഖ് ഖ​ലീ​ഫ ബി​ൻ അ​ലി അ​ൽ ഹാ​ർ​ത്തി​യും ഫ്ര​ഞ്ച് പ​ക്ഷ​ത്തെ യൂ​റോ​പ്പി​നും വി​ദേ​ശ​കാ​ര്യ മ​ന്ത്രാ​ല​യ​ത്തി​നു​മു​ള്ള സെ​ക്ര​ട്ട​റി ജ​ന​റ​ൽ ആ​ൻ മേ​രി ഡെ​സ്കോ​ട്ടു​മാ​യി​രു​ന്നു ചർച്ചയിൽ ന​യി​ച്ചി​രു​ന്ന​ത്. പൊ​തു​വായി ആ​ശ​ങ്ക​ നിലനിൽക്കുന്ന നി​ല​വി​ലെ പ്രാ​ദേ​ശി​ക, അ​ന്ത​ർ​ദേ​ശീ​യ വി​ഷ​യ​ങ്ങ​ളി​ൽ ഇ​രു​പ​ക്ഷ​വും വീ​ക്ഷ​ണ​ങ്ങ​ൾ കൈ​മാ​റി.

സ​മാ​ധാ​ന​വും സ്ഥി​ര​ത​യും ശ​ക്തി​പ്പെ​ടു​ത്തു​ന്ന വി​ധ​ത്തി​ൽ എ​ല്ലാ സ​മാ​ധാ​ന ശ്ര​മ​ങ്ങ​ളെ​യും പി​ന്തു​ണ​ക്കേ​ണ്ട​തി​ന്റെ പ്രാ​ധാ​ന്യ​വും ഇരു രാജ്യങ്ങളും അ​ടി​വ​ര​യി​ട്ട്​ പ​റ​ഞ്ഞു. കൂടാതെ ഒമാ​ൻ വി​ദേ​ശ​കാ​ര്യ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി, നോ​ർ​ത്ത് ആ​ഫ്രി​ക്ക ആ​ൻ​ഡ് മി​ഡി​ൽ ഈ​സ്റ്റ് പ്ര​സി​ഡ​ന്റി​ന്റെ ന​യ​ത​ന്ത്ര ഉ​പ​ദേ​ഷ്ടാ​വ് പാ​ട്രി​ക് ഡോ​റെ​ലു​മാ​യും കൂ​ടി​ക്കാ​ഴ്ച ന​ട​ത്തി.