ഖത്തറിലെ ലുസൈൽ സിറ്റിയിൽ നടക്കുന്ന ദാർബ് ലുസൈൽ ഫ്ലവർ ഫെസ്റ്റിവൽ മെയ് 25 മുതൽ ആരംഭിക്കും. മെയ് 27 വരെയാണ് ഫെസ്റ്റിവൽ സംഘടിപ്പിക്കുന്നത്. ഇതിന്റെ ഭാഗമായി ലുസൈൽ ബുലവാർഡ് പൂക്കളാൽ അലങ്കരിക്കും.
ദാർബ് ലുസൈൽ ഫ്ലവർ ഫെസ്റ്റിവലിനോട് അനുബന്ധിച്ച് പ്രത്യേക നിശ്ചലദൃശ്യങ്ങളുടെ പരേഡ്, പലതരം സാധനങ്ങളുടെ വില്പ്പന, വിവിധ വിനോദ പരിപാടികൾ, പുഷ്പാലങ്കാരങ്ങൾ എന്നിവ ഒരുക്കും. ദാർബ് ലുസൈൽ ഫ്ലവർ ഫെസ്റ്റിവലിലേക്ക് വൈകീട്ട് 7 മണി മുതൽ രാത്രി 11 മണി വരെയാണ് സന്ദർശകർക്ക് പ്രവേശനം അനുവദിച്ചിരിക്കുന്നത്.
