അ​ന്താ​രാ​ഷ്ട്ര മ്യൂ​സി​യം ദിനാഘോഷം, ഖത്തറിലെ മ്യൂസിയങ്ങളിൽ സൗജന്യ പ്രവേശനം പ്രഖ്യാപിച്ചു

അ​ന്താ​രാ​ഷ്ട്ര മ്യൂ​സി​യം ദിനത്തിന്റെ ഭാഗമായി ഖ​ത്ത​ർ മ്യൂ​സി​യം​സ് രാ​ജ്യ​ത്തെ എല്ലാ മ്യൂ​സി​യ​ങ്ങ​ളി​ലേ​ക്കും മൂന്ന് ദിവസത്തേക്ക് സൗ​ജ​ന്യ പ്ര​വേ​ശ​നം പ്ര​ഖ്യാ​പി​ച്ചു. വ്യാഴം, വെ​ള്ളി, ശ​നി എ​ന്നീ ദി​വ​സ​ങ്ങ​ളി​ലാണ് ഖ​ത്ത​റി​ലെ മു​ഴു​വ​ൻ മ്യൂ​സി​യ​ങ്ങ​ളി​ലും പ്ര​ദ​ർ​ശ​ന​കേ​ന്ദ്ര​ങ്ങ​ളി​ലും പൊ​തു​ജ​ന​ങ്ങ​ൾ​ക്ക് സൗ​ജ​ന്യമായി പ്ര​വേശിക്കാം. എ​ല്ലാ വ​ർ​ഷ​വും മേ​യ് 18നാ​ണ് അ​ന്താ​രാ​ഷ്ട്ര മ്യൂ​സി​യം ദി​ന​മാ​യി ആഘോ​ഷി​ക്കു​ന്ന​ത്.

​​ഖത്തർ നാ​ഷ​ണൽ മ്യൂ​സി​യം, മ​താ​ഫ് അ​റ​ബ് മ്യൂ​സി​യം ഓ​ഫ് മോ​ഡേ​ൺ ആ​ർ​ട്ട്, ത്രീ ​ടു വ​ൺ ഒ​ളി​മ്പി​ക് ആ​ൻ​ഡ് സ്​​പോ​ർ​ട്സ് മ്യൂ​സി​യം, മ്യൂ​സി​യം ഓ​ഫ് ഇ​സ്‍ലാ​മി​ക് ആ​ർ​ട്ട് വി​വി​ധ കേ​ന്ദ്ര​ങ്ങ​ളി​ൽ തു​ട​രു​ന്ന പ്ര​ദ​ർ​ശ​ന പ​രി​പാ​ടി​ക​ൾ എന്നീ സ്ഥലങ്ങളിലേക്ക് മൂ​ന്നു ദി​ന​ങ്ങ​ളി​ൽ ടി​ക്ക​റ്റി​ല്ലാ​തെ പൊ​തു​ജ​ന​ങ്ങ​ൾക്ക്‌ പ്ര​വേ​ശി​ക്കാം.

‘മ്യൂ​സി​യ​ങ്ങ​ൾ: സു​സ്ഥി​ര​ത, ക്ഷേ​മം’ എന്ന പ്രമേ​യ​ത്തി​ലാ​ണ് ഈ ​വ​ർ​ഷത്തെ അ​ന്താ​രാ​ഷ്ട്ര മ്യൂ​സി​യം ദി​നാ​ഘോ​ഷം ന​ട​ക്കു​ന്ന​ത്. സ​മൂ​ഹം, രാ​ജ്യം, ജ​ന​ങ്ങ​ളു​ടെ മാ​ന​സി​കാ​രോ​ഗ്യം, കാ​ലാ​വ​സ്ഥ എന്നിങ്ങനെ വി​വി​ധ മേ​ഖ​ല​ക​ളു​ടെ സു​സ്ഥി​ര​ത​യി​ലും ക്ഷേ​മ​ത്തി​ലും മ്യൂ​സി​യ​ങ്ങ​ളു​ടെ പ​ങ്കിനെ കുറിച്ച് ബോ​ധ്യ​പ്പെ​ടു​ത്തു​ക​ എന്നതാ​ണ് ഈ ​വ​ർ​ഷ​ത്തെ ആഘോഷങ്ങളുടെ പ്ര​ധാ​ന ല​ക്ഷ്യം. കൂടാതെ മ്യൂ​സി​യ​ങ്ങ​ൾ കേ​ന്ദ്രീ​ക​രി​ച്ചും മ​റ്റു പ്ര​ദ​ർ​ശ​ന​ങ്ങ​ളി​ലൂ​ടെ​യും സാ​മൂ​ഹി​ക വി​ക​സ​ന​വും പ​രി​സ്ഥി​തി ബോ​ധ​വ​ത്ക​ര​ണ​വും ഉയർത്താനും ലക്ഷ്യമിടു​ന്നുണ്ട്.

സാം​സ്കാ​രി​ക പൈ​തൃ​കം സം​ര​ക്ഷി​ക്കു​ന്ന​തി​നൊ​പ്പം ഗ​വേ​ഷ​ണം, വി​ദ്യാ​ഭ്യാ​സം, വി​നോ​ദം എ​ന്നി​വ​യ്ക്ക് സം​ഭാ​വ​ന ന​ൽ​കു​ന്ന ലോ​കോ​ത്ത​ര മ്യൂ​സി​യ​ങ്ങ​ളെ​യും സാം​സ്കാ​രി​ക സ്ഥാ​പ​ന​ങ്ങ​ളെ​യും പി​ന്തു​ണ​ക്കു​ന്ന​തിന് ഖ​ത്ത​ർ മ്യൂ​സി​യം പ്ര​തി​ജ്ഞാ​ബ​ദ്ധ​മാ​ണ്. കൂടാതെ മ്യൂസി​യ​ങ്ങ​ളെ അ​ടു​ത്ത​റി​യാ​നും അ​വ സ​മൂ​ഹ​ത്തി​ന് നൽ​കു​ന്ന സ​ന്ദേ​ശം മ​ന​സ്സി​ലാ​ക്കുന്നതിനും വേണ്ടിയാണ് ഈ ​ദി​വ​സ​ങ്ങ​ളി​ൽ പൊ​തു​ജ​ന​ങ്ങ​ൾക്ക് സൗജന്യ പ്രവേശനം നൽകുന്നതെന്ന് ഖ​ത്ത​ർ മ്യൂ​സി​യം​സ് സിഇഒ അ​ഹ​മ്മ​ദ് മൂ​സ അ​ൽ നം​ല അ​റി​യി​ച്ചു.