ആന്റണി വർഗീസ്, നീരജ് മാധവ്, ഷെയ്ന്‍ നിഗം എന്നിവരെ കേന്ദ്ര കഥാപാത്രങ്ങളായി അഭിനയിച്ച ആര്‍ഡിഎക്‌സിന് അഭിനന്ദനങ്ങളുമായി തെന്നിന്ത്യന്‍ താരം ഉദയനിധി സ്റ്റാലിന്‍. ഫെയ്‌സ്ബുക്കിലൂടെയാണ് താരം ചിത്രത്തെ കുറിച്ചുള്ള അഭിപ്രായം രേഖപ്പെടുത്തിയിരിക്കുന്നത്. തിയറ്ററുകളില്‍ പോയി തന്നെ ആര്‍ഡിഎക്‌സ് കാണണമെന്നും ചിത്രത്തിന് പിന്തുണ നല്‍കണമെന്നും ഉദയനിധി സ്റ്റാലിന്‍ പറഞ്ഞു.
ആര്‍ഡിഎക്‌സ് മലയാളം സിനിമ. കിടിലന്‍ അനുഭവമാണ് ഈ ചിത്രം നൽകുന്നത്. ഇന്ത്യയിലെ മികച്ച മാര്‍ഷ്യല്‍ ആര്‍ട്‌സും ആക്ഷന്‍ സിനിമയുമാണിത്. തിയറ്ററുകളില്‍ നിന്ന് തന്നെ ചിത്രം കാണുക, മതിയായ പിന്തുണ നല്‍കുകയും ചെയ്യുക. ആര്‍ഡിഎക്‌സ് ടീമിലെ എല്ലാവര്‍ക്കും അഭിനന്ദനങ്ങള്‍ എന്നാണ് ഉദയനിധി കുറിച്ചത്.
അതേസമയം ഉദയനിധി സ്റ്റാലിന്റെ ഫെയ്‌സ്ബുക്ക് പോസ്റ്റിന്റെ സ്‌ക്രീന്‍ഷോട്ട് പങ്കുവെച്ച് താരത്തിനു നന്ദി അറിയിച്ചുകൊണ്ട് നടൻ നീരജ് മാധവും രംഗത്തെത്തി. കൂടാതെ കേരളത്തിന് പുറത്തും ചിത്രത്തിന് മികച്ച അഭിപ്രായം ലഭിക്കുന്നുണ്ട് എന്ന് അറിയുമ്പോൾ അഭിമാനം തോന്നുന്നുണ്ടെന്നും നീരജ് മാധവ് പോസ്റ്റിനൊപ്പം കുറിച്ചു.
