നടനവിസ്മയം മോഹൻലാലിന്റെ സംവിധാന മികവിലിറങ്ങുന്ന ‘ബറോസ്‘ ചിത്രത്തിനായി ആവേശത്തോടെ കാത്തിരിക്കുകയാണ് ആരാധകർ. ആരാധകരെ ആകാംക്ഷയിലാഴ്ത്തി കഴിഞ്ഞ ദിവസം ചിത്രത്തിന്റെ 3 ഡി ട്രെയ്ലർ മോഹൻലാൽ റിലീസ് ചെയ്തിരുന്നു. ഇപ്പോൾ മോഹൻലാലിനും ബറോസിനും ആശംസകൾ നേരുകയാണ് ബിഗ് ബി അമിതാഭ് ബച്ചൻ.
ചിത്രത്തിൻ്റെ ട്രെയിലർ പങ്കുവെച്ചായിരുന്നു മോഹൻലാലിനോടുള്ള സ്നേഹം അമിതാഭ് ബച്ചൻ അറിയിച്ചത്. തന്റെ ട്വിറ്റർ പേജിലൂടെയാണ് ബറോസിൻ്റെ ട്രെയിലർ അദ്ദേഹം പങ്കുവെച്ചത്. ഇതോടെ ബോളിവുഡിൽ നിന്നും നിരവധി പേർ സിനിമയുടെ വിർച്വൽ ട്രെയിലറിനെ പ്രശംസിച്ച് രംഗത്ത് എത്തുന്നുണ്ട്.
ഡിസംബർ 25-ന് ക്രിസ്‌മസ് റിലീസായായി ചിത്രം തിയേറ്ററുകളിലെത്തുന്നത്. ആശീർവാദ് സിനിമാസിൻ്റെ ഏറ്റവും വലിയ സിനിമകളിലൊന്നാണ് ‘ബറോസ്’. ഇന്ത്യയിലെ ആദ്യ ത്രീഡി ചിത്രമായ ‘മൈ ഡിയർ കുട്ടിച്ചാത്തൻ’ സംവിധാനം ചെയ്ത ജിജോ പുന്നൂസിൻ്റെ കഥയെ ആസ്‌പദമാക്കിയാണ് മോഹൻലാൽ ബറോസ് ഒരുക്കുന്നത്.
