ലോക ചെസ് ചാമ്പ്യൻ മാഗ്നസ് കാൾസനെ പരാജയം അറിയിച്ച രമേഷ്ബാബു പ്രഗ്നാനന്ദയാണ് ഇപ്പോളത്തെ ട്രെൻഡിംഗ് താരം. അതോടെ മലയാളികൾ ഒന്നും നോക്കിയില്ല… കാൾസന്റെ ഫേസ്ബുക്ക് പേജിൽ കേറിയങ്ങ് ആറാടുകയാണ് മലയാളം കമന്റുകൾ. ഇന്ത്യൻ ഗ്രാൻഡ് മാസ്റ്റർ രമേഷ്ബാബു പ്രഗ്നാനന്ദയോട് മൂന്നാം തവണയും പരാജയപ്പെട്ടതോടെയാണ് മലയാളികളടക്കമുള്ള ഇന്ത്യക്കാർ പ്രഗ്നാനന്ദയെ കുറിച്ച് കമന്റുകൾ ഇട്ടുതുടങ്ങിയത്.
‘അങ്ങനെ പവനായി… ശവമായി…’, ‘കുറച്ച് കഞ്ഞി എടുക്കട്ടെ…’, ‘ചെക്കൻ പഞ്ഞിക്കിട്ടല്ലേ…’ എന്നൊക്കെയാണ് ഇട്ടിരിക്കുന്ന കമന്റുകൾ.
മയാമിയിൽ നടന്ന ലോക ചെസ് ചാമ്പ്യൻഷിപ്പായ എഫ്ടിഎക്‌സ് ക്രിപ്‌റ്റോ കപ്പിലാണ് ലോക ചാമ്പ്യൻ മാഗ്നസ് കാൾസണെ 17കാരൻ പ്രഗ്നാനന്ദ പരാജയപ്പെടുത്തിയത്. ടൂർണമെൻ്റിൽ കാൾസൺ തന്നെ ഒന്നാമത് എത്തിയെങ്കിലും പ്രഗ്നാനന്ദ രണ്ടാം സ്ഥാനത്തെത്തി.
