രാജ്യത്ത് യുപിഐ ഇടപാടുകളുടെ എണ്ണം വർധിച്ചതോടെ ജനങ്ങൾക്കിടയിൽ ഏറെ പ്രചാരമുണ്ടായ ആപ്ലിക്കേഷനാണ് ഗൂഗിൾ പേ. എന്താവശ്യത്തിനും ഇപ്പോൾ ഗൂഗിൾ പേ ഉപയോഗിക്കാം. പത്ത് രൂപ മുതൽ പതിനായിരക്കണക്കിന് രൂപ വരെ എളുപ്പത്തിൽ ഡിജിറ്റലായി അയക്കാൻ കഴയുന്നതാണ് കാരണം.
സുഹൃത്തുക്കൾക്കും അപരിചതർക്കും കച്ചവട സ്ഥാപനങ്ങളിലുള്ളവർക്കും മുതൽ ആർക്ക് വേണമെങ്കിലും പണമയക്കാനുള്ള എളുപ്പമാർഗമാണിത്. നൊടിയിടയിൽ തീരുന്ന ഈ പണമിടപാടിൽ പലപ്പോഴും അബദ്ധങ്ങൾ സംഭവിക്കാറുണ്ട്.അതിലൊന്ന് ആളുമാറി പണമയക്കലാണ്. ഉദ്ദേശിച്ച വ്യക്തിക്ക് പകരം ഗൂഗിൾ പേ അക്കൗണ്ടുള്ള മറ്റൊരാൾക്ക് പണമയച്ചാൽ എന്താണ് ചെയേണ്ടത് എന്ന് നോക്കാം.
ആദ്യം 1800 1201740 എന്ന നമ്പറിലേക്ക് വിളിച്ച് പരാതി രജിസ്റ്റർ ചെയ്യണം. ഇത്തരം സംഭവങ്ങളുണ്ടാകുമ്പോൾ പരാതി നൽകാനുള്ള യുപിഐയുടെ സെൽ നമ്പർ ആണിത്. ശേഷം നിങ്ങളുടെ ബാങ്കിൻ്റെ ലോക്കൽ ബ്രാഞ്ച് മാനേജരെ കാണുക. തെറ്റി പണമയച്ചാൽ മൂന്ന് ദിവസത്തിനുള്ളിൽ തന്നെ ബ്രാഞ്ച് മാനേജരെ സമീപിക്കണം. പണം തിരികെ ലഭിക്കാനുള്ള നടപടികൾ ഇവർക്ക് സ്വീകരിക്കാൻ കഴിയും. അതുമല്ലെങ്കിൽ https://rbi.org.in/Scripts/Complaints.aspx എന്ന വെബ്‌സൈറ്റിലൂടെ പരാതി നൽകാം.
ഇതെല്ലാം ചെയ്താലും പണം തിരികെ ലഭിക്കാൻ തുക ക്രഡിറ്റായ അക്കൗണ്ട് ഹോൾഡറുടെ സമ്മതം ആവശ്യമാണ്. അതുകൊണ്ട് തന്നെ പ്രസ്തുത അക്കൗണ്ട് ഹോൾഡറെ സമീപിച്ച് ധാരണയിലെത്താൻ ശ്രമിക്കണം.
