ആപ്പിൾ ഐപ്പോഡ് ഇനി വിപണിയിൽ ഉണ്ടാകില്ല. നിലവിൽ സ്റ്റോറുകളിൽ ബാക്കിയുള്ള സ്റ്റോക്ക് തീരുന്നത് വരെ മാത്രമേ ഉപഭോക്താക്കൾക്ക് ആപ്പിൾ ഐപ്പോഡ് വാങ്ങാൻ സാധിക്കുകയുള്ളുവെന്ന് കമ്പനി അറിയിച്ചു കഴിഞ്ഞു. 2001ലാണ് ആദ്യ ഐപോഡ് ആപ്പിൾ പുറത്തിറക്കിയത്. 2019ലാണ് അവസാന മോഡൽ എത്തിയത്.
2007ൽ ആപ്പിൾ കമ്പനി ഐഫോൺ പുറത്തിറക്കിയപ്പോഴും ഐപ്പോഡിന്റെ പ്രചാരം കുറഞ്ഞില്ല. എന്നാൽ ഐപ്പോഡ് വിൽപനയിൽ ഇടിവ് സംഭവിച്ചതോടെയാണ് ഐപോഡ് വിപണിയിൽ നിന്ന് ഒഴിവാക്കാൻ ആപ്പിൾ തീരുമാനിച്ചത്.
