‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

കൊല്ലപ്പെട്ട യുഎസ് പ്രസിഡൻ്റുമാരുടെ എണ്ണം നാല്; രക്ഷപെട്ടവർ ആറ്

Date:

Share post:

അമേരിക്കയിൽ പ്രസിഡൻ്റുമാർക്കുനേരെ ഉണ്ടാകുന്ന വധശ്രമത്തിൻ്റെ കറുത്ത ചരിത്രം തുടരുകയാണ്. തെരഞ്ഞെടുപ്പ് പ്രചാരണത്തിനിടെ ഡൊണാൾഡ് ട്രംപിന് നേരെയുണ്ടായ അതിക്രമം പട്ടികയിൽ അവസാനത്തേതാണ്. ഇതിനിടെ കൊലയാളികളുടെ തോക്കിന് മുന്നിൽ ജീവൻ നഷ്ടമായ പ്രസിഡൻ്റുമാരുടെ എണ്ണം നാല്. ട്രംപിനെപോലെ വധശ്രമത്തെ അതിജീവിച്ചവരും അമേരിക്കൻ പ്രസിഡൻ്റ് പട്ടികയിലുണ്ട്.

കൊല്ലപ്പെട്ട യുഎസ് പ്രസിഡൻ്റുമാർ

അമേരിക്കയുടെ 16-ആം പ്രസിഡന്‍റായ എബ്രഹാം ലിങ്കണാണ് കൊല്ലപ്പെട്ട ആദ്യവ്യക്തി. 1865 ഏപ്രിൽ നാലിനായിരുന്നു സംഭവം.വാഷിങ്ടണിലെ ഫോഡ്സ് തിയേറ്ററിൽ ഭാര്യ മേരി ടോഡിനൊപ്പം പരിപാടികണ്ടിരിക്കെ തലയ്ക്കുപിന്നിൽ വെടിയേറ്റാണ് മരണം. ജോൺ വിൽക്കിസ് ബൂത്ത് എന്നയാളായിരുന്നു വെടിവെയ്പ്പിന് പിന്നിൽ. ഇയാളെ 1865 ഏപ്രിൽ 26ന് വെടിവെച്ചുകൊന്നു.

അമേരിക്കയുടെ 20-ആം പ്രസിഡന്‍റായിരുന്ന ജെയിംസ് ഗാർഫീൽഡിനും വെടിവെയ്പ്പിനെ അതീജീവിക്കാനായില്ല. 1881 ജൂലായ് രണ്ടിനാണ് കൊലപാതകം നടന്നത്. ന്യൂ ഇംഗ്ലണ്ടിലേക്കുള്ള യാത്രയ്ക്കായി വാഷിങ്ടണിലെ റെയിൽവേ സ്റ്റേഷനിലൂടെ നടക്കുമ്പോൾ ചാൾസ് ഗിറ്റൗ എന്നയാൾ നെഞ്ചിലേക്ക് നിറയൊഴിക്കുകയായിരുന്നു. ആറുമാസം മാത്രമാണ് ജെയിംസ് ഗാർഫീൽഡിന് പ്രസിഡന്‍റ് പദവിയിലിരിക്കാനായത്. പ്രതി ഗീറ്റൗവിന് 1882 ജൂണിൽ വധശിക്ഷക്ക് വിധേയനാക്കി.

അമേരിക്കയുടെ 25-ആം പ്രസിഡന്‍റായിരുന്ന വില്യം മക്കിൻലി കൊല്ലപ്പെടുന്നത് 1901 സെപ്റ്റംബർ ആറിനാണ്. ന്യൂയോർക്കിൽ പൊതുയോഗത്തിൽ പ്രസംഗിച്ചശേഷം ആളുകൾക്ക് കൈകൊടുത്തുനീങ്ങുമ്പോഴാണ് വെടിയേറ്റത്. കൊലയാളി ലിയോൺ എഫ് ചോൾഗോഷിനെ 1901 ഒക്ടോബർ 29ന് വധശിക്ഷക്ക് വിധേയനാക്കി.

1963 നവംബർ 22നാണ് യുഎസിന്‍റെ 35-ആം പ്രസിഡന്‍റായിരുന്ന ജോൺ എഫ് കെന്നഡിക്ക് വെടിയേൽക്കുന്നത്. ഭാര്യയ്ക്കൊപ്പം ഡാലസ് സന്ദർശിക്കുന്നതിനിടെയായിരുന്നു സംഭവം. പ്രതി ലീ ഹാർവി ഓസ്വാൾഡ് പോലീസ് പിടിയിലാവുകയും ഇയാളെ ജയിലിൽ ഹാജരാക്കാൻ കൊണ്ടുപോകുന്നതിനിടെ ഡാലസിലെ നിശാക്ലബ് ഉടമ ജാക്ക് റൂബി ഓസ്വാൾഡിനെ വെടിവെച്ച് കൊലപ്പെടുത്തുകയുമായിരുന്നു.

അതിജീവിച്ച പ്രസിഡൻ്റുമാർ

32-ആം പ്രസിഡന്‍റായിരുന്ന ഫ്രാങ്ക്ലിൻ ഡി റൂസ്‌വെൽറ്റിന് നേരെ 1933 ഫെബ്രുവരിയിൽ വെടിവെയ്പ്പുണ്ടായെങ്കിലും അതിജീവിക്കാനായി. മയാമിയിൽ വെച്ചായിരുന്നു വധശ്രമം.33-ആം പ്രസിഡന്‍റായിരുന്ന ഹാരി എസ് ട്രൂമാന് നേരെ 1950ലാണ് വധശ്രമമുണ്ടായത്. 38-ആം പ്രസിഡന്‍റായിരുന്ന ജെറാൾഡ് ഫോർഡ് നേരെ 1975ൽ 17 ദിവസത്തെ ഇടവേളയിൽ രണ്ട് വധശ്രമങ്ങളുണ്ടായെങ്കിലും രണ്ടിലും രക്ഷപെട്ടു. കാലിഫോർണിയയിലും സാൻ ഫ്രാൻസിസ്കോയിൽവെച്ചാണ് വധശ്രമം ഉണ്ടായത്. 40-ആം പ്രസിഡന്‍റ് റൊണാൾഡ് റീഗന് നേരെ 1981 മാർച്ചിൽ വാഷിങ്ടൺ ഡിസിയിൽ വെച്ച് വധശ്രമമുണ്ടായതും ചരിത്രമാണ്. ഈ കേസിലെ പ്രതി മനോരോഗിയായിരുന്നു. യുഎസിന്‍റെ 43-ആം പ്രസിഡന്‍റായിരുന്ന ജോർജ് ഡബ്ല്യു ബുഷും വധശ്രമത്തെ അതിജീവിച്ച നേതാവാണ്. 2005ൽ ജോർജിയൻ തലസ്ഥാനമായ ടിബിലിസിയിൽവെച്ച് ബുഷിന് നേരെ ഗ്രനേഡ് ആക്രമണം ഉണ്ടാവുകയായിരുന്നു.

LEAVE A REPLY

Please enter your comment!
Please enter your name here

spot_img

Related articles

വേഷം തെരഞ്ഞെടുക്കുന്നത് പോലെ ആഭരണങ്ങളും; ഫഹദിൻ്റെ പരസ്യം ഹിറ്റ്

മലയാളികളുടെ പ്രിയ നടൻ ഫഹദ് ഫാസിൽ ബ്രാൻഡ് അംബാസിഡർ ആയ കവിത ഗോൾഡ് ആൻഡ് ഡയമണ്ട്സിൻ്റെ ഏറ്റവും പുതിയ പരസ്യം വൻഹിറ്റ്. സ്റ്റൈലിലും ആറ്റിട്യൂഡിലും...

പുതുവർഷത്തെ വരവേൽക്കാനൊരുങ്ങി ദുബായ്; 6 സ്ഥലങ്ങളിൽ കരിമരുന്ന് പ്രകടനം

2025-നെ വരവേൽക്കാനൊരുങ്ങിയിരിക്കുകയാണ് ദുബായ്. വിവിധ ആഘോഷ പരിപാടികളാണ് എമിറേറ്റിന്റെ വിവിധ ഭാ​ഗങ്ങളിലായി ഒരുക്കിയിരിക്കുന്നത്. പുതുവർഷത്തിൻ്റെ ആദ്യ മിനിറ്റുകളിൽ ദുബായിലെ ആറ് പ്രദേശങ്ങളിൽ കരിമരുന്ന് പ്രകടനം...

ബാഡ്മിന്റൺ താരം പി.വി സിന്ധു വിവാഹിതയായി; വരൻ വെങ്കടദത്ത സായ്

ബാഡ്മിന്റൺ താരം പി.വി സിന്ധു വിവാഹിതയായി. സോഫ്റ്റ്വെയർ കമ്പനിയായ പൊസിഡെക്‌സ് ടെക്നോളജീസിൻ്റെ എക്‌സിക്യൂട്ടീവ് ഡയറക്ടർ വെങ്കടദത്ത സായിയാണ് വരൻ. വിവാഹത്തിൽ രാജ്യത്തെ രാഷ്ട്രീയ, കായിക,...

സൗദിയിൽ ഉല്പാദിപ്പിക്കുന്ന ഒട്ടക പാലിന് ആഗോള വിപണിയിൽ വൻ ഡിമാന്റ്; ലിറ്ററിന് 20 ഡോളര്‍ വരെ

ആ​ഗോള വിപണി കയ്യടക്കുകയാണ് സൗദിയിൽ ഉല്പാദിപ്പിക്കുന്ന ഒട്ടക പാൽ. രാജ്യത്തെ ഒട്ടക പാലിനും അനുബന്ധ ഉല്പന്നങ്ങൾക്കും ആഗോള വിപണിയിൽ വൻ ഡിമാന്റാണുള്ളത്. അന്താരാഷ്ട്ര വിപണിയിൽ...