തിങ്കളാഴ്ച ഏറ്റവും മോശം ദിവസമാണെന്ന് ഔദ്യോഗികമായി പ്രഖ്യാപിച്ച് ഗിന്നസ് ലോക റെക്കോർഡ്. തിങ്കളാഴ്ചയായ ഇന്നലെയായിരുന്നു ഗിന്നസിൻ്റെ ഔദ്യോഗിക പ്രഖ്യാപനം.
we're officially giving monday the record of the worst day of the week
— Guinness World Records (@GWR) October 17, 2022
ശനിയും ഞായറുമുള്ള വാരാന്ത്യ അവധി ദിനങ്ങൾക്ക് ശേഷം തിങ്കളാഴ്ച വീണ്ടും സ്‌കൂളിലും കോളജിലും ജോലി സ്ഥലങ്ങളിലുമെല്ലാം പോകേണ്ടി വരുന്നതുകൊണ്ട് തന്നെ തിങ്കളാഴ്ചയോട് പൊതുവേ എല്ലാവർക്കും ഇഷ്ടക്കേടാണ്.
ഗിന്നസിൻ്റെ ഈ പ്രഖ്യാപനത്തോട് വൻ പ്രതികരണമാണ് ലഭിച്ചിരിക്കുന്നത്. തങ്ങളുടെ മനസ് വായിച്ച റെക്കോർഡ് എന്ന തരത്തിലാണ് മറുപടി ട്വീറ്റുകൾ. തിങ്കളാഴ്ച തന്നെയാണ് ഈ പ്രഖ്യാപനം ഗിന്നസ് നടത്തിയിരിക്കുന്നത് എന്നതും ശ്രദ്ധേയമാണ്.
