ബഹിരാകാശത്ത് നിന്ന് മക്കളോട് സംവദിച്ച് യു എ ഇ ബഹിരാകാശ യാത്രികൻ സുൽത്താൻ അൽ നിയാദി. ഉമ്മുൽഖുവൈൻ യൂണിവേഴ്സിറ്റിയിൽ നടന്ന കാൾ ഫ്രം സ്പേസ് പരിപാടിയിലാണ് സുൽത്താൻ നിയാദിയുടെ മക്കൾ രണ്ടുപേർ ബഹിരാകാശത്തുള്ള പിതാവിനോട് ചോദ്യങ്ങൾ ചോദിക്കാനെത്തിയത്.
സദസ്സിനെ ചിരിപ്പിച്ചാണ് ഈ അച്ഛന്റെയും മക്കളുടെയും ചോദ്യങ്ങളും ഉത്തരങ്ങളും നീണ്ടുപോയത്. ഇളയമകൻ അബ്ദുള്ള ചോദിച്ചത് ഭൂമിയിൽ ഏറ്റവും പ്രിയപ്പെട്ടത് എന്താണെന്നായിരുന്നു . സുൽത്താൻ നിയാദിയുടെ സ്നേഹം നിറഞ്ഞ മറുപടി ഇങ്ങനെയായിരുന്നു. നീയാണ് ഭൂമിയിൽ എനിക്ക് ഏറ്റവും പ്രിയപ്പെട്ടത് എന്ന്.
ബഹിരാകാശത്ത് ഏറ്റവും ഇഷ്ടം ഗുരുത്വാകർഷണമില്ലാതെ ഇങ്ങനെ പൊങ്ങികിടക്കാൻ കഴിയുന്നതാണെന്നും അദ്ദേഹം മറുപടി നൽകി. മൂത്ത മകൻ റാഷിദ് ചോദിച്ചത് ബഹിരാകാശത്ത് നിന്ന് വരുമ്പോൾ എന്ത് കൊണ്ടുവരും എന്നായിരുന്നു. നമുക്കിടയിലെ രഹസ്യം പരസ്യമായി പറയണോ എന്ന് ചോദിച്ച സുൽത്താൻ പലതും സ്പെഷ്യലായി കൊണ്ടുവരുന്നുണ്ടെന്ന് മറുപടി നൽകി.
The son of astronaut Sultan AlNeyadi asked him a question about what he likes the most on Earth, during the event "A Call from Space" – Umm Al Quwain edition.#TheLongestArabSpaceMission pic.twitter.com/TIkDJR4ted
— MBR Space Centre (@MBRSpaceCentre) August 10, 2023
