2022ലെ എസ്എസ്എൽസി പരീക്ഷാഫലം പ്രഖ്യാപിച്ചു. വിദ്യാഭ്യാസ മന്ത്രി വി. ശിവൻകുട്ടിയാണ് പ്രഖ്യാപനം നടത്തിയത്. വിജയശതമാനം 99.26 ആണ്. 44363 കുട്ടികൾ എല്ലാ വിഷയങ്ങൾക്കും എ പ്ലസ് നേടി. പരീക്ഷ എഴുതിയ 4,26,469 വിദ്യാർഥികളിൽ നിന്നും 4,23,303 പേരാണ് ഉന്നത വിദ്യാഭ്യാസത്തിന് യോഗ്യത നേടിയിരിക്കുന്നത്.
വിജയശതമാനം ഏറ്റവും കൂടുതൽ നേടിയ ജില്ല കണ്ണൂരാണ്. ഏറ്റവും കുറവ് വയനാട് ജില്ലയിലാണ്. ഏറ്റവും കൂടുതൽ എ പ്ലസ് നേടിയത് മലപ്പുറം ജില്ലയിലെ വിദ്യാർഥികളാണ്. ഫലം വെബ്സൈറ്റുകളിൽ ലഭ്യമാണ്.
എസ്എസ് എൽ സി – പ്ലസ് ടു പരീക്ഷകൾക്ക് ഇത്തവണയും ഗ്രേസ് മാർക്ക് ഇല്ല. കലാ – കായിക മത്സരങ്ങൾ നടത്താത്തതിനാലാണ് വിദ്യാഭ്യാസ വകുപ്പിന്റെ ഈ തീരുമാനം. എൻസിസി ഉൾപ്പെടെ ഉള്ളവർക്കും ഗ്രേസ് മാർക്ക് ഉണ്ടാകില്ല.
പരീക്ഷാഫലം അറിയാൻ ഔദ്യോഗിക വെബ്‌സൈറ്റ് സന്ദര്‍ശിക്കാം. keralaresults.nic.in അല്ലെങ്കില്‍ keralapareekshabhavan.in
ഹോംപേജില്‍ Kerala SSLC Result 2022 എന്ന ലിങ്കില്‍ ക്ലിക്ക് ചെയ്ത്
റോള്‍ നമ്പറും മറ്റ് ലോഗിന്‍ വിശദാംശങ്ങളും രേഖപ്പെടുത്തി സമര്‍പ്പിച്ചാൽ എസ്എസ്എല്‍സി ഫലം സ്‌ക്രീനില്‍ ലഭിക്കും. ഫലം ഡൗണ്‍ലോഡ് ചെയ്ത് പ്രിന്റെടുക്കാം.
