വോട്ടെടുപ്പ് ദിനത്തിൽ ജനാധിപത്യത്തെ വിമർശിച്ച് നടൻ ശ്രീനിവാസൻ. തൃപ്പൂണിത്തുറയിൽ വോട്ടു രേഖപ്പെടുത്തിയ ശേഷമാണ് മാധ്യമങ്ങളോടായി പല കാര്യങ്ങളും അദ്ദേഹം പറഞ്ഞത്. അടിസ്ഥാനപരമായി ഞാൻ ജനാധിപത്യത്തിന് എതിരാണെന്നാണ് അദ്ദേഹം പറയുന്നത്.
ആരു ജയിച്ചാലും അവർ നമുക്ക് എതിരാണെന്നും ജനാധിപത്യത്തിൽ എല്ലാ കള്ളൻമാർക്കും രക്ഷപ്പെടാൻ ഇഷ്ടംപോലെ പഴുതുണ്ടെന്നും അതുകൊണ്ടാണ് താൽപര്യമില്ലാത്തതെന്നും ശ്രീനിവാസൻ പറയുന്നു.
ഇന്ന് സോക്രട്ടീസ് ജീവിച്ചിരുന്നെങ്കിൽ ജനാധിപത്യം കണ്ടുപിടിച്ചവനെ തേടിപ്പിടിച്ച് ചവിട്ടിക്കൊന്നിട്ട് വിലകുറഞ്ഞ വിഷം കഴിച്ച് മരിച്ചേനെയെന്നും ശ്രീനിവാസൻ പറഞ്ഞു. കഴിവുള്ളവരെ ജനങ്ങൾ വോട്ടു ചെയ്ത് തിരഞ്ഞെടുക്കുന്നു, പക്ഷേ, ഈ വോട്ടു ചെയ്യുന്നവർക്ക് കഴിവുള്ളവരെ തിരഞ്ഞെടുക്കാനുള്ള കഴിവുണ്ടോ എന്നാണ്. ഇന്ത്യ അടുത്തൊന്നും കരകയറുന്ന യാതൊരു ലക്ഷണവുമില്ലെന്നും അദ്ദേഹം പറഞ്ഞു.
