‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

യുഎഇയുടെ കരുത്ത് തെളിയിക്കാൻ വയനാട്ടുകാർ; ഏഷ്യാകപ്പിനുള്ള യുഎഇ ക്രിക്കറ്റ് ടീമില്‍ ഇടംനേടി 3 സഹോദരിമാര്‍

Date:

Share post:

വയനാട്ടിൽ നിന്നുള്ള വനിത ക്രിക്കറ്റർമാരായ മിന്നു മണിക്കും സജനയ്ക്കും ശേഷം ലോകശ്രദ്ധ നേടാൻ ഒരുങ്ങുകയാണ് മൂന്ന് സഹോദരിമാർ. ഇവർ എത്തുന്നത് ഇന്ത്യയ്ക്ക് വേണ്ടി കളിക്കാനല്ല, നേരെ മറിച്ച് യുഎഇയുടെ കരുത്ത് ലോകത്തെ അറിയിക്കാനാണ് ഈ സഹോദരിമാർ ക്രീസിലിറങ്ങുക. ഏഷ്യാകപ്പ് വനിതാ ടി20 ക്രിക്കറ്റ് ടൂർണമെന്റിനുള്ള യുഎഇയുടെ 15 അംഗ ടീമിലാണ് മലയാളികളായ സഹോദരങ്ങൾ ഉൾപ്പെട്ടിരിക്കുന്നത്.

സുൽത്താൻ ബത്തേരി സ്വദേശികളായ റിതികാ രജിത്, റിനിതാ രജിത്, റിഷിതാ രജിത് എന്നിവരാണ് അന്താരാഷ്ട്ര ക്രിക്കറ്റിൽ യുഎഇയെ പ്രതിനിധീകരിക്കുന്നത്. മൂന്ന് വർഷമായി യുഎഇയുടെ ദേശീയ ടീമിന്റെ ഭാ​ഗമായ ഈ സഹോദരിമാർ കളത്തിലിറങ്ങാൻ തുടങ്ങിയിട്ട്. എന്നാൽ ആദ്യമായാണ് മൂവരും ഒരുമിച്ച് ഒരു മത്സരത്തിനിറങ്ങുന്നത്. അജ്മാനിൽ ബിസിനസ് നടത്തുന്ന ബത്തേരിയിലെ അരുണാലയത്തിൽ രജിത്തിൻ്റെയും രഞ്ജിനിയുടെയും മക്കളാണ് ഈ ചുണക്കുട്ടികൾ.

ഓൾറൗണ്ടറായ റിതിക സ്വകാര്യ കമ്പനിയായ ഡമാകിൽ എച്ച്.ആർ ആയി പ്രവർത്തിക്കുകയാണ്. ബാറ്റിങ്ങിൽ മികവ് പുലർത്തുന്ന റിനിത പ്ലസ്‌ടുവിനുശേഷം കംപ്യൂട്ടർ എൻജിനിയറിങ് പഠനത്തിനുള്ള തയ്യാറെടുപ്പിലാണ്. അതേസമയം, ബൗളറായ റിഷിത ഷാർജ ലീഡേഴ്‌സ് പ്രൈവറ്റ് സ്കൂളിൽ പ്ലസ് വൺ വിദ്യാർത്ഥിനിയാണ്. പ്രായത്തെ വെല്ലുന്ന പ്രകടനമാണ് മൂവരും കാഴ്ചവെക്കുന്നത് എന്നത് എടുത്തുപറയേണ്ട കാര്യമാണ്. 19, 21, 23 തീയതികളിൽ ശ്രീലങ്കയിൽ വെച്ചാണ് യുഎഇയുടെ മത്സരം നടക്കുന്നത്.

ബാഡ്മിന്റണിൽ നിന്ന് ക്രിക്കറ്റിലേയ്ക്ക്

ബാഡ്‌മിന്റനിൽ തിളങ്ങി നിൽക്കവെയാണ് മൂവരും ക്രിക്കറ്റിന്റെ ലോകത്തേക്ക് എത്തുന്നത്. അതിന് വഴിയൊരുക്കിയത് അച്ഛൻ രജിത്താണ്. വയനാട് ജില്ലാ ടീമിനുവേണ്ടി മുമ്പ് കളത്തിലിറങ്ങിയിരുന്ന രജിത്താണ് ക്രിക്കറ്റിലെ ആദ്യപാഠങ്ങൾ ഇവർക്ക് പകർന്ന് നൽകിയത്. ബാഡ്‌മിൻ്റനിൽ നിന്ന് ക്രിക്കറ്റിൽ എത്തിയപ്പോൾ ആദ്യമൊക്കെ ചില ബുദ്ധിമുട്ടുകൾ നേരിട്ടിരുന്നുവെങ്കിലും ചിട്ടയായ പരിശീലനത്തിലൂടെ മൂവരും അവയെ മറികടക്കുകയായിരുന്നു. കോവിഡ് കാലത്തെ വിരസത മാറ്റാനാണ് രജിത്ത് മക്കളെ ക്രിക്കറ്റിന്റെ ലോകത്തേക്ക് നയിച്ചത്. ആ തീരുമാനം ഇന്ന് ഈ സഹോദരങ്ങളെ എത്തിച്ചിരിക്കുന്നത് പ്രശസ്തിയുടെ വക്കിലേയ്ക്കാണ്.

അതിനിടെ എമിറേറ്റ്സ് ക്രിക്കറ്റ് ബോർഡിന്റെ ഡവലപ്മെൻ്റ് ക്യാംപിൽ പങ്കെടുത്തതോടെ മൂവർക്കും ദേശീയ ടീമിലേക്ക് പ്രവേശനവും ലഭിച്ചു. യുഎഇ ടീമിൽ ഇടം നേടിയത് മുതൽ എമിറേറ്റ്സ് ക്രിക്കറ്റ് ബോർഡാണ് ഇവരെ പരിശീലിപ്പിക്കുന്നത്. മൂന്ന് വർഷത്തോളമായി ദേശീയ ടീമിലെ മികച്ച പ്രകടനമാണ് മൂവർക്കും വനിതാ ടി20യിലേക്കുള്ള വാതിൽ തുറന്നത്. യുഎഇയ്ക്ക് വേണ്ടി കിരീടം സ്വന്തമാക്കുക എന്നത് മാത്രമാണ് ഈ സഹോദരിമാരുടെ ലക്ഷ്യം. ഇവർക്ക് പിന്തുണയുമായി അച്ഛനും അമ്മയും കൂടെത്തന്നെയുണ്ട്.

ലിറ്റി ജോസ്
ലിറ്റി ജോസ്
ഏഷ്യ ലൈവ് റിപ്പോർട്ടർ

LEAVE A REPLY

Please enter your comment!
Please enter your name here

spot_img

Related articles

വേഷം തെരഞ്ഞെടുക്കുന്നത് പോലെ ആഭരണങ്ങളും; ഫഹദിൻ്റെ പരസ്യം ഹിറ്റ്

മലയാളികളുടെ പ്രിയ നടൻ ഫഹദ് ഫാസിൽ ബ്രാൻഡ് അംബാസിഡർ ആയ കവിത ഗോൾഡ് ആൻഡ് ഡയമണ്ട്സിൻ്റെ ഏറ്റവും പുതിയ പരസ്യം വൻഹിറ്റ്. സ്റ്റൈലിലും ആറ്റിട്യൂഡിലും...

പുതുവർഷത്തെ വരവേൽക്കാനൊരുങ്ങി ദുബായ്; 6 സ്ഥലങ്ങളിൽ കരിമരുന്ന് പ്രകടനം

2025-നെ വരവേൽക്കാനൊരുങ്ങിയിരിക്കുകയാണ് ദുബായ്. വിവിധ ആഘോഷ പരിപാടികളാണ് എമിറേറ്റിന്റെ വിവിധ ഭാ​ഗങ്ങളിലായി ഒരുക്കിയിരിക്കുന്നത്. പുതുവർഷത്തിൻ്റെ ആദ്യ മിനിറ്റുകളിൽ ദുബായിലെ ആറ് പ്രദേശങ്ങളിൽ കരിമരുന്ന് പ്രകടനം...

ബാഡ്മിന്റൺ താരം പി.വി സിന്ധു വിവാഹിതയായി; വരൻ വെങ്കടദത്ത സായ്

ബാഡ്മിന്റൺ താരം പി.വി സിന്ധു വിവാഹിതയായി. സോഫ്റ്റ്വെയർ കമ്പനിയായ പൊസിഡെക്‌സ് ടെക്നോളജീസിൻ്റെ എക്‌സിക്യൂട്ടീവ് ഡയറക്ടർ വെങ്കടദത്ത സായിയാണ് വരൻ. വിവാഹത്തിൽ രാജ്യത്തെ രാഷ്ട്രീയ, കായിക,...

സൗദിയിൽ ഉല്പാദിപ്പിക്കുന്ന ഒട്ടക പാലിന് ആഗോള വിപണിയിൽ വൻ ഡിമാന്റ്; ലിറ്ററിന് 20 ഡോളര്‍ വരെ

ആ​ഗോള വിപണി കയ്യടക്കുകയാണ് സൗദിയിൽ ഉല്പാദിപ്പിക്കുന്ന ഒട്ടക പാൽ. രാജ്യത്തെ ഒട്ടക പാലിനും അനുബന്ധ ഉല്പന്നങ്ങൾക്കും ആഗോള വിപണിയിൽ വൻ ഡിമാന്റാണുള്ളത്. അന്താരാഷ്ട്ര വിപണിയിൽ...