ഐപിഎൽ സീസണിന് മുന്നോടിയായി മുംബൈ ഇന്ത്യൻസ് പുറത്തിറക്കിയ വീഡിയോ വൈറലാവുന്നു. ഒരു സോഫയുടെ ഇരുവശത്തും ഇരിക്കുന്ന ക്യാപ്റ്റൻ ഹർദിക് പാണ്ഡ്യയും മുൻ ക്യാപ്റ്റൻ രോഹിത് ശർമയുമാണ് വീഡിയോയിൽ ചർച്ചാവിഷയമാകുന്നത്.
ടീമിന്റെ ക്യാപ്റ്റൻ സ്ഥാനത്തുനിന്ന് രോഹിത്തിനെ മാറ്റി ഹർദിക്കിനെ ചുമതലപ്പെടുത്തിയതുമായി ബന്ധപ്പെട്ട് ആരാധകർക്കിടയിൽ വലിയ രീതിയിലുള്ള അതൃപ്തി വ്യാപിച്ചിരുന്നു. രോഹിത്തിനെ നായക സ്ഥാനത്തുനിന്ന് മാറ്റിയത് ഇപ്പോഴും പലർക്കും ഉൾക്കൊള്ളാനും സാധിച്ചിട്ടില്ല. എന്നാൽ തങ്ങൾക്കിടയിൽ യാതൊരു പ്രശ്‌നങ്ങളും ഇല്ലെന്ന് തുറന്നുപറഞ്ഞ ഹാർദിക് രോഹിതിൻ്റെ അനുഭവ സമ്പത്ത് സീസണിലുടനീളം ടീമിന് മുതൽക്കൂട്ടാകുമെന്നും വ്യക്തമാക്കിയിരുന്നു. ടീം ഉടമ നിത അംബാനി, സച്ചിൻ തെണ്ടുൽക്കർ ഉൾപ്പെടെയുള്ളവരും വീഡിയോയിലുണ്ട്.
Har dhadkan, har dil ye bole 𝙈𝙪𝙢𝙗𝙖𝙞 𝙈𝙚𝙧𝙞 𝙅𝙖𝙖𝙣 🎶💙#OneFamily #MumbaiIndians #MumbaiMeriJaan pic.twitter.com/Z911mvKOI1
— Mumbai Indians (@mipaltan) March 18, 2024
മാർച്ച് 22-നാണ് ഐപിഎൽ മത്സരങ്ങൾക്ക് കൊടിയേറുക. ആരംഭിക്കുന്നത്. ഉദ്ഘാടന മത്സരത്തിൽ നിലവിലെ ചാമ്പ്യന്മാരായ ചെന്നൈ സൂപ്പർ കിങ്സും ബാംഗ്ലൂർ റോയൽ ചലഞ്ചേഴ്‌സും തമ്മിലാണ് കൊമ്പ് കോർക്കുക. ചെന്നൈ ടീമിൻ്റെ ഹോം ഗ്രൗണ്ടായ ചിദംബരം സ്റ്റേഡിയത്തിൽ വെച്ച് രാത്രി എട്ട് മണിക്കാണ് ഉദ്ഘാടന മത്സരം നടക്കുന്നത്. എന്നാൽ മറ്റ് ദിവസങ്ങളിലെ മത്സരങ്ങൾ 7.30-നായിരിക്കും നടത്തപ്പെടുക.
