പാ​രീസി​ന് സുരക്ഷയൊരുക്കി ഖ​ത്ത​ർ; കാ​യി​ക മാ​മാ​ങ്ക​ത്തിൽ ശ്രദ്ധയാകർഷിച്ച് സുരക്ഷാസേനാം​ഗങ്ങൾ ​

കായിക മാമാങ്കം നടക്കുന്ന പാരീസിലേയ്ക്കാണ് ലോകം ഉറ്റുനോക്കുന്നത്. ഒളിമ്പിക്സ് മത്സരങ്ങൾക്കൊപ്പം പാരീസിലെ ഖത്തറിന്റെ സുരക്ഷാസേനാം​ഗങ്ങളും ലോകത്തിന്റെ ശ്രദ്ധ നേടുകയാണ്. ഫ്ര​ഞ്ച് ​പൊ​ലീ​സി​നും സൈ​ന്യ​ത്തി​നുമൊ​പ്പം പാരീസിന്റെ സു​ര​ക്ഷാ ചു​മ​ത​ല ഏറ്റെടുത്ത് ക്രിയാത്മകമായി പ്രവർത്തിക്കുകയാണ്​ ഖ​ത്ത​റി​ന്റെ സു​ര​ക്ഷാ ഉദ്യോ​ഗസ്ഥർ.

ഖ​ത്ത​ർ ആ​ഭ്യ​ന്ത​ര സു​ര​ക്ഷാ വി​ഭാ​ഗ​മാ​യ ‘ല​ഖ്‍വി​യ’ സം​ഘമാണ് പാരീസ് ഒളിമ്പിക്സിന് സുരക്ഷയൊരുക്കാനെത്തിയത്. ഫ്ര​ഞ്ച് സു​ര​ക്ഷ ഉ​ദ്യോ​ഗ​സ്ഥ​രു​മാ​യി വി​വി​ധ ഘ​ട്ട​ങ്ങ​ളി​ൽ ച​ർ​ച്ച ന​ട​ത്തി​യാ​ണ് സേ​ന വി​ന്യാ​സ​വും ദൗ​ത്യ​വും ഖത്തർ നി​ർ​വഹി​ക്കു​ന്ന​ത്. വി​വി​ധ മേ​ഖ​ല​ക​ളി​ല്‍ മികവ് തെളിയിച്ച 2,000 സു​ര​ക്ഷ ഉ​ദ്യോ​ഗ​സ്ഥ​രാ​ണ് സം​ഘ​ത്തി​ലു​ള്ള​ത്.

മാ​സ​ങ്ങ​ളായി ന​ട​ന്ന ത​യ്യാ​റെ​ടു​പ്പും പ​രി​ശീ​ല​ന​ങ്ങ​ളും പൂ​ർ​ത്തി​യാ​ക്കി​യാ​ണ് ഖ​ത്ത​ർ സം​ഘം പാ​രീസി​ലെ​ത്തി​യ​ത്. ഒളിമ്പിക്സ് വേദി മാത്രമല്ല, വി​മാ​ന​ത്താ​വ​ളം, സ്റ്റേ​ഡി​യ​ങ്ങ​ൾ, റെ​യി​ൽ​വേ സ്റ്റേ​ഷ​ൻ, ഒ​ളി​മ്പി​ക് വി​ല്ലേ​ജ് തു​ട​ങ്ങി എല്ലാ ഭാഗങ്ങളിലും പ​ഴു​ത​ട​ച്ച സു​ര​ക്ഷയാണ് ഖ​ത്ത​ർ സൈന്യം ഒരുക്കുന്നത്.