കോമൺവെൽത്ത് ഗെയിംസ് ഫെഡറേഷൻ (സി.ജി.എഫ്) വൈസ് പ്രസിഡന്റ് സ്ഥാനത്തേയ്ക്ക് മത്സരിക്കാനൊരുങ്ങി ഇന്ത്യൻ ഒളിംപിക് അസോസിയേഷൻ പ്രസിഡന്റ് പി.ടി.ഉഷ. സിജിഎഫ് പുറത്തുവിട്ട പട്ടികയിലാണ് ഉഷയുടെ പേരുള്ളത്. നവംബർ 14നും 15നും സിംഗപ്പൂരിൽ നടക്കുന്ന സിജിഎഫ് ജനറൽ അസംബ്ലിയിലാണ് തിരഞ്ഞെടുപ്പ് നടക്കുക.
ഹ്യൂ ഗ്രഹാം (കുക്ക് ഐലൻഡ്സ്), ബാരി ഹെൻഡ്രിക്സ് (ദക്ഷിണാഫ്രിക്ക), സാന്ദ്ര ഒസ്ബോൺ (ബാർബഡോസ്), റിച്ചാഡ് പവേഴ്സ് (കാനഡ), ഇയാൻ റീഡ് (സ്കോട്ട്ലൻഡ്), ഡൊണാൾഡ് റുകാരെ എന്നിവരാണ് വൈസ് പ്രസിഡന്റ് സ്ഥാനത്തേക്ക് മത്സരിക്കുന്ന മറ്റുള്ളവർ.
