കൂൾ ക്യാപ്റ്റൻ എം.എസ് ധോണിയുടെ പുതിയ ലുക്ക് കണ്ട് ഞെട്ടിയിരിക്കുകയാണ് ആരാധകർ. തനിക്ക് ഏറെ പ്രിയപ്പെട്ട നീളൻ മുടി താരം വെട്ടിയൊതുക്കിയിരിക്കുകയാണ്. തന്റെ ഹെയർസ്റ്റൈൽ മാറ്റിയതോടെ എക്സ് പ്ലാറ്റ്ഫോമിൽ ധോണി ട്രെന്റിങ്ങാണ്.
ധോണിയുടെ ഹെയർ സ്റ്റൈലിസ്റ്റായ അലിം ഹക്കീമാണ് താരത്തിന്റെ ചിത്രം ആദ്യം പുറത്തുവിട്ടത്. നിമിഷങ്ങൾക്കകം ഇത് വൈറലാകുകയും ചെയ്തു. ഇതോടെ നീളൻ മുടി വെട്ടിയൊതുക്കിയാകും ധോണി അടുത്ത ഐപിഎല്ലിൽ കളിക്കുകയെന്നാണ് ആരാധകരുടെ വിലയിരുത്തൽ. അതേസമയം, ചിത്രങ്ങൾ കണ്ട് ധോണി സിനിമയിലേക്കോ എന്നതാണ് പ്രേക്ഷകരുടെ സംശയം.
ചെന്നൈ സൂപ്പർ കിങ്സിൻ്റെ താരമായ ധോണി അടുത്ത സീസണോടെ ഐപിഎൽ അവസാനിപ്പിക്കുമെന്നാണ് കരുതുന്നത്.
