ഐപിഎല്ലിൽ നിന്ന് പ്ലേഓഫ് കാണാതെ ചെന്നൈ സൂപ്പർ കിങ്സ് പുറത്തായതിന് പിന്നാലെ തന്റെ നാട്ടിലെത്തി എം.എസ് ധോണി. റാഞ്ചിയിലെത്തിയ ധോണി തന്റെ ബൈക്കിൽ നാട് ചുറ്റിക്കാണാനിറങ്ങിയതിന്റെ വീഡിയോയാണ് പുറത്തുവന്നിരിക്കുന്നത്.
റോയൽ ചലഞ്ചേഴ്സ് ബംഗളൂരുവിനോട് പൊരുതി തോറ്റതിന് പിന്നാലെ ഞായറാഴ്ചയാണ് ധോണിയും കുടുംബവും റാഞ്ചിയിലേയ്ക്ക് മടങ്ങിയെത്തിയത്. റാഞ്ചിയിലെ റോഡിലൂടെ തൻ്റെ വിൻ്റേജ് ബൈക്കുകളിലൊന്നായ യമഹ ആർ.ഡി. 350 ബൈക്കിലായിരുന്നു ധോണി കറങ്ങാനിറങ്ങിയത്. ഇതിന്റെ ദൃശ്യങ്ങൾ ആരാധകരാണ് പകർത്തി സാമൂഹ്യമാധ്യമങ്ങളിൽ പ്രചരിപ്പിച്ചത്. അധികം വൈകാതെ വീഡിയോ വൈറലാകുകയും ചെയ്തു.
വാഹനപ്രിയനായ ധോണിയുടെ റാഞ്ചിയിലെ ഫാം ഹൗസിൽ കാറുകളുടേയും ബൈക്കുകളുടേയും വൻ ശേഖരം തന്നെയാണ് സൂക്ഷിച്ചിട്ടുള്ളത്. മാസങ്ങൾക്ക് മുമ്പ് തന്റെ വാഹന ശേഖരത്തിൽ ഒരു ആ‍ഡംബര വാഹനം കൂടി താരം ഉൾപ്പെടുത്തിയിരുന്നു. മെഴ്സിഡീസിൻ്റെ പുത്തൻ എസ്‌യുവി ആയ 3.30 കോടി രൂപ എക്സ് ഷോറും വിലയുള്ള മെഴ്സിഡീസ് ജി 63 എഎംജിയാണ് ധോണി സ്വന്തമാക്കിയിരുന്നത്.
MS Dhoni enjoying a bike ride in Ranchi. ❤️pic.twitter.com/RjHZqeCTqg
— Mufaddal Vohra (@mufaddal_vohra) May 20, 2024
