23 വർഷത്തിന് ശേഷം ഡ്യുറാൻഡ് കപ്പ് കിരീടം ചൂടി മോഹൻ ബഗാൻ. 30 മിനിറ്റോളം പൊരുതേണ്ടിവന്നെങ്കിലും ഈസ്റ്റ് ബംഗാളിന് മുന്നിൽ മുട്ടുമടക്കാൻ മോഹൻ തയാറായില്ല. ഡ്യുറാൻഡ് കപ്പ് ഫുട്ബോൾ ഫൈനലിൽ ഈസ്റ്റ് ബംഗാളിനെ 1-0നാണ് മോഹൻ ബഗാൻ തോൽപ്പിച്ചത്. തുടക്കം മുതൽ ഇരുടീമുകളും വാശിയോടെ കളിച്ചെങ്കിലും ആദ്യ പകുതിയിൽ ആർക്കും ഗോൾ നേടാനായില്ല.
62-ാം മിനിറ്റിൽ ബഗാൻ താരം അനിരുദ്ധ് ഥാപ്പ ചുവപ്പുകാർഡ് കണ്ടു പുറത്തായി. ഇതിനിടെ 71-ാം മിനിറ്റിൽ ദിമിത്രി ടാറ്റോസിന്റെ ഒറ്റയാൾ മുന്നേറ്റം ബഗാനെ മുന്നിലെത്തിച്ചു. അവസാന 10 മിനിറ്റിൽ തുടരാക്രമണങ്ങളുമായി ബഗാൻ ഗോൾ മുഖത്തേക്ക് ഈസ്റ്റ് ബംഗാൾ താരങ്ങൾ എത്തിയെങ്കിലും ബഗാൻ സൃഷ്ടിച്ച പ്രതിരോധത്തെ സഖ്യത്തിന് മറികടക്കാനായില്ല. അതോടെ ഡ്യുറാൻഡ് കപ്പ് കിരീടം മോഹൻ ബഗാൻ സ്വന്തമാക്കുകയായിരുന്നു.
