പരുക്കുമൂലം ഒരു വർഷത്തോളം രാജ്യാന്തര ക്രിക്കറ്റിൽ നിന്ന് വിട്ടുനിന്ന പേസർ മുഹമ്മദ് ഷമി തിരിച്ചെത്തുന്നു. ഇൻഡോറിൽ ആരംഭിക്കുന്ന രഞ്ജി ട്രോഫി മത്സരത്തിൽ ബംഗാളിന് വേണ്ടിയാണ് ഷമി കളത്തിലിറങ്ങുമെന്നാണ് റിപ്പോർട്ട്.
കഴിഞ്ഞ ഏകദിന ലോകകപ്പിന് പിന്നാലെയാണ് കാൽക്കുഴയ്ക്കേറ്റ പരുക്കുമൂലം ഷമി ചികിത്സയ്ക്കായി പോയത്. പിന്നാലെ ശസ്ത്രക്രിയയ്ക്ക് വിധേയനാകുകയും ചെയ്തിരുന്നു.
തിരിച്ചുവരവിന് മുന്നോടിയായി കഴിഞ്ഞ ഏതാനും മാസങ്ങളായി ബംഗളൂരുവിലെ ബിസിസിഐ സെൻ്റർ ഫോർ എക്‌സലൻസിൽ പരിശീലനത്തിലായിരുന്നു ഷമി.
