ഫുട്ബോൾ ഇതിഹാസം ലയണൽ മെസി ഇനി ഇന്റർ മിയാമിയ്ക്ക് സ്വന്തം. താരത്തിന്റെ ഇഷ്ട നമ്പറായ പത്താം നമ്പർ ജേഴ്സിയിൽ ഇന്റര്‍ മിയാമി മെസിയെ അവതരിപ്പിച്ചു. യു.എസിലെ മേജർ ലീഗ് സോക്കർ ക്ലബ്ബായ ഇന്റർ മിയാമി 492 കോടി രൂപ വാർഷിക പ്രതിഫലമാണ് മെസിക്ക് വാഗ്ദാനം ചെയ്തിരിക്കുന്നത്.
സൂപ്പർ താരം ഡേവിഡ് ബെക്കാമിന്റെ ഉടമസ്ഥതയിലുള്ള ക്ലബ്ബാണ് ഇന്റർ മയാമി. 2025 വരെയാണ് ക്ലബ്ബും മെസിയുമായി കരാർ ഒപ്പിട്ടിരിക്കുന്നത്. ഏഴുതവണ ബാലൺദ്യോർ കിരീടം നേടിയ മെസി ജൂണിലാണ് പി.എസ്.ജി വിട്ടത്. പി.എസ്.ജിയിൽ താരം 30-ാം നമ്പർ ജഴ്സിയിലാണ് കളിച്ചിരുന്നത്.
Bienvenido a nuestra familia💗🖤 pic.twitter.com/k7VOSGo1lv
— Inter Miami CF (@InterMiamiCF) July 17, 2023
ഹോം ഗ്രൗണ്ടായ ഫ്ളോറിഡയിലെ ഡി.ആർ.വി. പി.എൻ.കെ സ്റ്റേഡിയത്തിൽ ആരാധകർക്ക് മുന്നിലാണ് മെസിയെ അവതരിപ്പിച്ചത്. ചടങ്ങിന് ആയിരക്കണക്കിന് കാണികൾ സാക്ഷ്യം വഹിച്ചു.
