ഇന്ത്യൻ പ്രീമിയർ ലീഗിൻ്റെ മെഗാ താരലേലം സൗദി അറേബ്യയിലെ ജിദ്ദയിൽ നടക്കും. നവംബർ 24, 25 തീയതികളിലാണ് താരലേലം നടക്കുക. 1,574 കളിക്കാരാണ് ലേലത്തിൽ പങ്കെടുക്കാനായി രജിസ്റ്റർ ചെയ്‌തിരിക്കുന്നത്.
ലേലത്തിനുള്ള താരങ്ങളുടെ രജിസ്ട്രേഷൻ തിങ്കളാഴ്ചയാണ് അവസാനിച്ചത്. ലേലത്തിൽ രജിസ്റ്റർ ചെയ്തതിൽ 1,165 പേർ ഇന്ത്യക്കാരും 409 പേർ വിദേശ താരങ്ങളുമാണ്. രാജ്യാന്തര മത്സരങ്ങൾ കളിച്ച 320 താരങ്ങളാണ് ലേലത്തിൽ പങ്കെടുക്കാനൊരുങ്ങുന്നത്.
ഓരോ ടീമുകൾക്കും പരമാവധി 25 താരങ്ങളെ വരെ അടുത്ത സീസണിലേക്ക് സ്വന്തമാക്കാം. 120 കോടി രൂപയാണ് ടീമുകളെ തയ്യാറാക്കാൻ ഫ്രാഞ്ചൈസികൾക്ക് ആകെ ചെലവാക്കാൻ സാധിക്കുന്നത്.
