വനിതകളുടെ ജൂനിയർ ഏഷ്യാകപ്പ് ഹോക്കി കിരീട നേട്ടവുമായി ഇന്ത്യ. ഫൈനൽ മത്സരത്തിൽ നാല് തവണ ജേതാക്കളായ ദക്ഷിണ കൊറിയയെ തോൽപ്പിച്ചാണ് ഇന്ത്യ ജേതാക്കളായത്. ഒന്നിനെതിരെ രണ്ട് ഗോളുകൾക്കായിരുന്നു ഇന്ത്യ കിരീടം നേടിയത്. ആദ്യമായാണ് ഇന്ത്യ ജൂനിയർ വനിതാ ഏഷ്യാകപ്പ് സ്വന്തമാക്കുന്നതെന്ന പ്രത്യേകത കൂടിയുണ്ട്.
22ആം മിനിട്ടിൽ ഇന്ത്യയാണ് ആദ്യം സ്കോർ ചെയ്തത്. പിന്നീട് പെനാൽറ്റി കോർണറിൽ നിന്ന് അന്നു ഇന്ത്യക്കായി സ്കോർ ചെയ്തു. എന്നാൽ മൂന്ന് മിനിട്ടുകൾക്കകം ദക്ഷിണ കൊറിയ സമനില പിടിക്കുകയും ചെയ്തു. പാർക്ക് സിയോ യോൻ ആണ് ദക്ഷിണ കൊറിയക്കായി സ്കോർ നേടിയത്. 41ആം മിനിട്ടിൽ നീലത്തിലൂടെ ഇന്ത്യ ലീഡ് തിരിച്ചുപിടിക്കുകയും ചെയ്തു. ഈ ലീഡ് സംരക്ഷിച്ചാണ് ഇന്ത്യ വിജയ കിരീടം ചൂടിയത്.
