ഇന്ത്യ–വിൻഡീസ് മൂന്നാം ഏകദിനം ഇന്ന് അരങ്ങേറും. വെസ്റ്റിൻഡീസിനെതിരായ ഏകദിന പരമ്പരയിലെ അവസാന മത്സരത്തിന് ഇറങ്ങുമ്പോൾ പരമ്പരയുടെ വിജയം ഇന്ത്യയ്ക്ക് വളരെ നിർണായകമാണ്. ഏഷ്യാകപ്പിനും ഏകദിന ലോകകപ്പിനും മുൻപുള്ള ഇന്ത്യയുടെ അവസാന ഔദ്യോഗിക ഏകദിന മത്സരമാണ് ഇന്ന് നടക്കുക. ഇതിനു ശേഷം വെസ്റ്റിൻഡീസിനെതിരെ അഞ്ചും അയർലൻഡിനെതിരെ മൂന്നും ട്വന്റി20 മത്സരങ്ങളിൽ ഇന്ത്യ കളത്തിലിറങ്ങും.
ഈ മത്സരങ്ങൾക്ക് ശേഷം ഇന്ത്യ നേരിട്ട് ഏഷ്യാകപ്പിലേക്കാണ് പ്രവേശിക്കുക. അതിനാൽ ഇന്നത്തെ മത്സരത്തിലെ പ്രകടനം ടീം എന്ന നിലയിൽ ഇന്ത്യയ്ക്ക് വളരെ നിർണ്ണായകമാണ്. അതുപോലെ ലോകകപ്പ് സീറ്റ് ഉറപ്പിക്കാനുള്ള അവസാന അവസരം എന്ന നിലയിൽ യുവതാരങ്ങൾക്കും. അതുകൊണ്ടുതന്നെ താരങ്ങൾ ഫുൾ ഫോമിലാണ് കളിക്കളത്തിലേയ്ക്ക് ഇറങ്ങുന്നത്.
