വനിതാ ഫുട്ബോൾ ലോകകപ്പ് മത്സരത്തിൽ പ്രീക്വാർട്ടറിലെത്തി ജപ്പാനും സ്പെയ്നും. ഗ്രൂപ്പ് സിയിലെ രണ്ടാം മത്സരത്തിൽ കോസ്റ്ററീക്കയെ എതിരില്ലാത്ത രണ്ട് ഗോളുകൾക്ക് തകർത്ത ജപ്പാൻ രണ്ട് മത്സരങ്ങളിൽ നിന്ന് ആറ് പോയന്റുമായാണ് നോക്കൗട്ട് ഉറപ്പിച്ചത്. ആദ്യ മത്സരത്തിൽ സാംബിയയെ എതിരില്ലാത്ത അഞ്ച് ഗോളുകൾക്ക് തകർത്ത ജപ്പാൻ രണ്ടാം മത്സരത്തിലെ ജയത്തോടെ നോക്കൗട്ട് ഉറപ്പിക്കുകയായിരുന്നു.
25-ാം മിനിറ്റിൽ ഹികാരു നൊമോട്ടോയും 27-ാം മിനിറ്റിൽ ഓബ ഫുജിനോയുമാണ് ജപ്പാനുവേണ്ടി സ്കോർ നേടിയത്. ഗ്രൂപ്പ് സിയിലെ മറ്റൊരു മത്സരത്തിൽ സാംബിയയെ എതിരില്ലാത്ത അഞ്ച് ഗോളുകൾക്ക് തകർത്ത് രണ്ട് കളികളിൽ നിന്ന് ആറ് പോയന്റുമായാണ് സ്പെയ്നിന്റെ നോക്കൗട്ട് പ്രവേശനം. സ്പെയ്ൻ ആദ്യ മത്സരത്തിൽ കോസ്റ്ററീക്കയെ എതിരില്ലാത്ത മൂന്ന് ഗോളിന് പരാജയപ്പെടുത്തിയിരുന്നു. തിങ്കളാഴ്ച നടക്കുന്ന സ്പെയ്ൻ – ജപ്പാൻ മത്സരത്തോടെ മാത്രമേ ഗ്രൂപ്പ് ചാമ്പ്യൻമാരെ നിർണയിക്കാൻ സാധിക്കുകയുള്ളു.
