ഫുട്ബോൾ പ്രേമികൾക്ക് ഇനി ആവേശത്തിന്റെ കാലമാണ്. ഇംഗ്ലീഷ് പ്രീമിയർ ലീഗ് ഫുട്ബോൾ സീസണിന് നാളെ തുടക്കമാകും. മാഞ്ചെസ്റ്റർ സിറ്റിക്ക് തുടരെ അഞ്ചാം കിരീടം ലഭിക്കുമോ എന്നറിയാൻ കാത്തിരിക്കുകയാണ് ആരാധകർ.
സിറ്റി കിരീടം ലക്ഷ്യമിട്ട് കളത്തിലിറങ്ങാൻ കാത്തിരിക്കുമ്പോൾ വമ്പന്മാരായ ലിവർപൂൾ, ആഴ്‌സനൽ, ചെൽസി, മാഞ്ചെസ്റ്റർ യുണൈറ്റഡ് ടീമുകൾ സിറ്റിയിൽ നിന്ന് കിരീടം തിരിച്ചുപിടിക്കാനുള്ള തയ്യാറെടുപ്പിലാണ്. കഴിഞ്ഞ സീസണിൽ മൂന്നാം സ്ഥാനക്കാരായിരുന്ന ലിവർപൂൾ തങ്ങളുടെ പ്രതാപകാലം തിരികെ നൽകിയ ജർമൻ കോച്ച് യർഗൻ ക്ലോപ്പിന് യാത്രയയപ്പ് നൽകിയ ശേഷം പുതിയ കോച്ചുമായാണ് കളത്തിലിറങ്ങുന്നത്.
ലിവർപൂൾ (ആർനെ സ്ലോട്ട്), ചെൽസി (എൻസോ മറേസ്ക), ബ്രൈറ്റൺ (ഫാബിയൻ ഹർസെലർ) എന്നിവരോടൊപ്പം സതാംപ്ടണും (റസൽ മാർട്ടിൻ) ഇപ്‌സ്‌വിച്ചും പുതിയ പരിശീലകരായി ഇത്തവണ പ്രീമിയർ ലീഗ് ഗെയിമിൻ്റെ ചുമതല ഏറ്റെടുക്കാനുണ്ട്.
