സൗദി പ്രൊ ലീഗ് ഫുട്ബോൾ മത്സരത്തിൽ അൽ നസ്റിന് തകർപ്പൻ ജയം. അൽ ഹസമിനെതിരെ 5-1 ഗോളിനാണ് അൽ നസ്ർ വിജയമുറപ്പിച്ചത്. കളിയിലുടനീളം മിന്നുംപ്രകടനം കാഴ്ചവെച്ച് കരിയറിലെ 850-ാം ഗോൾ സ്വന്തമാക്കിയിരിക്കുകയാണ് സൂപ്പർ താരം ക്രിസ്റ്റ്യാനോ റൊണാൾഡോ. ലീഗിലെ ആദ്യ രണ്ടു മത്സരങ്ങളും തോറ്റ ശേഷമാണ് അൽ നസ്റിന്റെ ഈ മടങ്ങിവരവ്.
ഹസമിനെതിരായ ഗോൾ നേട്ടത്തോടെ 5 മത്സരങ്ങളിൽ നിന്ന് 6 ഗോളുമായി ടോപ് സ്കോറർമാരുടെ പട്ടികയിൽ റൊണാൾഡോ ഒന്നാമതെത്തി. റൊണാൾഡോയ്ക്ക് പുറമെ സെനഗൽ താരം സാദിയോ മാനെയും അൽ നസ്റിന് വേണ്ടി ഗോൾ നേടി. 9 പോയിന്റുള്ള അൽ നസ്ർ ലീഗിൽ നിലവിൽ ആറാം സ്ഥാനത്താണ്. 13 പോയിന്റുമായി അൽ ഹിലാലാണ് ലീഗിൽ ഒന്നാമത്.
