ഏഷ്യൻ ഗെയിംസിൽ ആദ്യ സ്വർണം സ്വന്തമാക്കി യുഎഇ. വനിതാ താരമായ അസ്മ അൽ ഹോസനിയാണ് രാജ്യത്തിന് വേണ്ടി ആദ്യ സ്വർണം നേടിയത്. ആയോധന ഇനമായ ജു ജിറ്റ്സു മൽസരത്തിലാണ് അസ്മ അൽ ഹോസനിയുടെ ഈ നേട്ടം. രാജ്യത്തിന്റെ ചരിത്രത്തിൽ ആദ്യമായാണ് ഒരു വനിതാ താരം ഏഷ്യൻ ഗെയിംസിൽ മെഡൽ നേടുന്നത്.
ജു ജിറ്റ്സു മൽസരത്തിൽ രണ്ട് വെങ്കലവും യുഎഇ നേടിയിട്ടുണ്ട്. ഇതോടെ യുഎഇയുടെ മെഡൽ വേട്ട 20 ആയി ഉയർന്നു. അഞ്ച് സ്വർണം, അഞ്ച് വെള്ളി, 10 വെങ്കലം എന്നിവയാണ് രാജ്യത്തിന്റെ അക്കൗണ്ടിലുള്ളത്.
