വിമാനം പറത്തുന്നതിനിടെ പൈലറ്റ് കുഴഞ്ഞുവീണ് മരിച്ചു. കയ്റോയിൽ നിന്ന് തായിഫിലേക്കുള്ള യാത്രയ്ക്കിടെയാണ് വിമാനത്തിന്റെ പൈലറ്റായ ക്യാപ്റ്റൻ ഹസൻ യൂസുഫ് അദസ് മരിച്ചത്. തുടർന്ന് കോ-പൈലറ്റ് വിമാനം ജിദ്ദയിൽ അടിയന്തിരമായി ഇറക്കുകയായിരുന്നു.
കയ്റോയിൽ നിന്ന് തായിഫിലേക്കുള്ള നെസ്മ എയർലൈൻസിൻ്റെ എൻ.ഇ 130-ാം നമ്പർ ഫ്ളൈറ്റിൽ വെച്ചാണ് ഹസൻ യൂസുഫ് അദസിന് ദേഹാസ്വാസ്ഥ്യം അനുഭവപ്പെടുകയും തുടർന്ന് മരണപ്പെടുകയും ചെയ്തത്. ഈ ഫ്ലൈറ്റിൽ താൽക്കാലിക പൈലറ്റായി സേവനമനുഷ്‌ഠിച്ച് വരികയായിരുന്നു ഹസൻ. ഈജിപ്ഷ്യൻ വിമാന കമ്പനിയായ സ്കൈ വിഷനിലെ എയർബസ് 320-എ ഇനത്തിൽപെട്ട വിമാനത്തിന്റെ പൈലറ്റ് കൂടിയാണ് ഇദ്ദേഹം.
