സ്വകാര്യ മേഖലയിലെ കമ്പനികളും തൊഴിലാളികളും ഗാർഹിക തൊഴിലാളികളും ഗാർഹിക തൊഴിലാളി റിക്രൂട്ട്‌മെന്റ് ഏജൻസികളുമായി ബന്ധപ്പെട്ട
തർക്കങ്ങളിൽ നിർണ്ണായക തീരുമാനവുമായി മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE).
50,000 ദിർഹമോ അതിൽ കുറവോ ആയ തർക്കങ്ങൾ അന്തിമ തീരുമാനങ്ങളോടെ പരിഹരിക്കുമെന്ന് മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE) അറിയിച്ചു. 2024 ജനുവരി 1 മുതൽ ഈ നിയമം നടപ്പാക്കും.
ഉപഭോക്താക്കളുടെ സമയവും നടപടിക്രമങ്ങൾ കാര്യക്ഷമമാക്കാനും നിയമപരമായ അവകാശങ്ങൾ നേടുന്ന പ്രക്രിയ വേഗത്തിലാക്കാനും പുതിയ പ്രക്രിയ ലക്ഷ്യമിടുന്നു. തർക്കം പരിഹരിക്കാനുള്ള മന്ത്രാലയത്തിന്റെ തീരുമാനം അറിയിച്ച് 15 പ്രവൃത്തി ദിവസത്തിനകം അപ്പീൽ കോടതിയിൽ കേസ് ഫയൽ ചെയ്യാൻ പുതിയ ഭേദഗതികൾ അനുവദിക്കുന്നു. തുടർന്ന് മൂന്ന് പ്രവൃത്തി ദിവസത്തിനകം വാദം കേൾക്കാൻ കോടതി ഷെഡ്യൂൾ ചെയ്യുന്നു.
