കേരളപ്പിറവി ദിനത്തിൽ മുഖ്യമന്ത്രി വിതരണം ചെയ്ത പൊലീസ് മെഡലുകളിൽ അക്ഷരത്തെറ്റുകളുടെ കൂമ്പാരം. പകുതിയോളം പേർക്കും ലഭിച്ചത് അക്ഷരത്തെറ്റുകൾ അടങ്ങിയ മെഡലുകളാണെന്നാണ് റിപ്പോർട്ടുകൾ.
‘മുഖ്യമന്ത്രിയുടെ പോലീസ് മെഡൽ’ എന്നത് തെറ്റായി ‘മുഖ്യമന്ത്രയുടെ പോലസ്’ എന്നാണ് മെഡലുകളിൽ ആലേഖനം ചെയ്തിരിക്കുന്നത്.
ഗുരുതരമായ പിഴവ് കണ്ടെത്താനോ പരിഹരിക്കാനോ പൊലീസിനും പൊലീസ് വകുപ്പിനും കഴിഞ്ഞില്ലെന്നാണ് പ്രാധാന ആരോപണം. തിരുവനന്തപുരത്ത് എസ്.എ.പി ഗ്രൗണ്ടിൽ നടന്ന ചടങ്ങിൽ 264 പൊലീസ് ഉദ്യോഗസ്ഥർക്കാണ് മുഖ്യമന്ത്രി മെഡൽ സമ്മാനിച്ചത്.
അതേസമയം ആരോപണം ഉയർന്നതിന് പിന്നാലെ മെഡലിലെ അക്ഷരത്തെറ്റ് പരിഹരിക്കാൻ അടിയന്തര നീക്കവുമായി സംസ്ഥാന പൊലീസ് മേധാവി രംഗത്തെത്തി. തെറ്റുതിരുത്തി പുതിയ മെഡലുകൾ അടിയന്തരമായി വിതരണം ചെയ്യണമെന്നാണ് നിർദേശം. മെഡലിനായി ടെൻഡർ എടുത്ത സ്ഥാപനത്തിനാണ് ഡിജിപി നിർദേശം നൽകിയത്.
