പാലിയേക്കര ടോൾ പ്ലാസയില്‍ വര്‍ഷങ്ങളായി അധിക ടോള്‍ ഈടാക്കിയതിന് രേഖകള്‍. 2016ല്‍ ക്രമക്കേട് നടത്തിയതിന്റെ രേഖകളാണ് പുറത്തായത്. 2011 വിജ്ഞാപന പ്രകാരം 40 പൈസയാണ് ടോള്‍ ഈടാക്കാനുള്ള അടിസ്ഥാന വില, ഇത് തിരുത്താനാകുന്നതല്ല. 40 പൈസയ്ക്ക് പകരം ഒരു രൂപ ഈടാക്കിയതായി രേഖകൾ വ്യക്തമാക്കുന്നു.
അടിസ്ഥാന വില തിരുത്തിയതായി രേഖകളില്‍ നിന്ന് വ്യക്തവുമാണ്. 2016ല്‍ 40 പൈസയ്ക്ക് പകരം 1 രൂപ അടിസ്ഥാന വില കണക്കാക്കിയാണ് ടോള്‍ നിരക്ക് കണക്കാക്കിയിരിക്കുന്നത്. ഒന്നുകില്‍ അടിസ്ഥാന വിലയില്‍ അല്ലെങ്കില്‍ മൊത്തവില സൂചികയില്‍ ഏതെങ്കിലും ഒന്നില്‍ മാറ്റം വരുത്തി വര്‍ഷങ്ങളായി ടോള്‍ നിരക്കില്‍ മാറ്റം വരുത്തുന്നുണ്ടെന്നാണ് നിഗമനം. അടിസ്ഥാന വിലയും മൊത്തവിലയും ദൂരവുമാണ് സാധാരണയായി ടോള്‍ നിരക്ക് കണക്കാക്കാന്‍ ഉപയോഗിക്കുന്ന മൂന്ന് മാനദണ്ഡങ്ങള്‍.
