പാലക്കാട് ഉപതിരഞ്ഞെടുപ്പ് തിയതി മാറ്റി. നവംബർ 20-ാം തിയതിയിലേക്കാണ് തിരഞ്ഞെടുപ്പ് മാറ്റിയത്. കൽപ്പാത്തി രഥോത്സവം നടക്കുന്നത് പ്രമാണിച്ചാണ് വോട്ടെടുപ്പ് തിയതിയിൽ മാറ്റം വരുത്തിയത്.
തിയതി മാറ്റിയതുമായി ബന്ധപ്പെട്ട് തിരഞ്ഞെടുപ്പ് കമ്മീഷൻ ഉത്തരവിറക്കി. ഈ മാസം 13-ന് നടക്കേണ്ട ഉപതിരഞ്ഞെടുപ്പാണ് 20-ലേയ്ക്ക് മാറ്റിയത്. തിരഞ്ഞെടുപ്പ് തീയതി മാറ്റണമെന്ന് വിവിധ രാഷ്ട്രീയ സംഘടനകൾ ആവശ്യപ്പെട്ടിരുന്നു.
അതേസമയം, ചേലക്കരയിലേയും വയനാട്ടിലേയും തിരഞ്ഞെടുപ്പ് മുൻപ് നിശ്ചയിച്ചതനുസരിച്ച് 13-ന് തന്നെ നടക്കും.
