പ്രധാനമന്ത്രി നരേന്ദ്ര മോദി കേരള സന്ദർശനത്തിനെത്തുന്നു. വ്യാഴാഴ്ച കേരളത്തിൽ എത്തുന്ന പ്രധാനമന്ത്രി രണ്ട് ദിവസം കേരളത്തിൽ ഉണ്ടാകും.
വ്യാഴാഴ്ച വൈകിട്ട് 6 മണിക്ക് പ്രധാനമന്ത്രി കാലടി ശ്രീ ആദിശങ്കര ജന്മഭൂമി ക്ഷേത്രം സന്ദർശിക്കും. വെള്ളിയാഴ്ച രാവിലെ 9 മണിക്ക് ഇന്ത്യൻ നാവിക സേനക്ക് തദ്ദേശീയമായി നിർമ്മിച്ച വിമാന വാഹിനി കപ്പൽ ഐഎൻഎസ് വിക്രാന്ത് പ്രധാനമന്ത്രി രാജ്യത്തിന് സമർപ്പിക്കും. ഇന്ത്യൻ നാവിക സേനയുടെ പുതിയ പതാക അനാഛാദനവും പ്രധാനമന്ത്രി നിർവഹിക്കും. ബ്രിട്ടീഷ് ഭരണത്തിന്റെ ഭൂതകാലത്തിൽ നിന്ന് മോചനം നൽകുന്നതും ഇന്ത്യയുടെ സമ്പന്നമായ സമുദ്ര പൈതൃകത്തിന് അനുയോജ്യമായതുമാണ് പുതിയ പതാകയെന്ന് പ്രധാനമന്ത്രിയുടെ ഓഫീസ് അറിയിച്ചു.
വെള്ളിയാഴ്ച ഉച്ചക്ക് 1.30ന് മംഗളൂരുവിൽ 3800 കോടി രൂപയുടെ വ്യവസായ പദ്ധതിയുടെ ഉദ്ഘാടനവും തറക്കല്ലിടലും പ്രധാനമന്ത്രി നിർവഹിക്കും.
